O Auditorio da Azucreira de Portas acolle a actuación da cantante Andrea Pousa o vindeiro domingo 28 de novembro a partir das 19 horas da tarde.
Esta actuación chega ao Concello de Portas a través do programa Musigal que patrocina a Deputación Provincial de Pontevedra.
Para poder asistir ao concerto haberá que recoller unha entrada gratuíta no Concello de Portas ou ben reservando nos teléfonos 986 53 61 61(ext. 5) ou 986 53 69 25 ata agotar aforo.
O Concello de Portas organiza unha excursión cultural a Lalín para o vindeiro domingo 7 de novembro. A hora de saída será ás 9:30 horas da mañá desde o pavillón municipal de Portas. Para anotarse ou obter máis información deben dirixirse ao Concello de Portas ou chamar aos teléfonos 986 53 61 61 (extensión 5) ou 986 53 69 25.
O prezo por participante será de 20 euros que dá opción a autobús, guía, entrada na “Casa do Patrón”, misa no Santuario Nosa Señora do Corpiño, comida (cocido con opción a outro menú), seguro, etc.
A Casa de Cultura Domingo Fontán, de Portas, foi o lugar escollido polo escritor Alberto Fortes para presentar o seu último libro sobre o matemático e xeógrafo galego que leva o nome deste centro cultural e que se convertiu no primeiro cartógrafo que foi quen de representar coa precisión científica do momento un mapa exhaustivo de Galicia.
O evento contou coa presenza do alcalde, Ricardo Martínez, o ex director da UNED e de Maxisterio, Gerino Calvo Maquieira e Afonso Ribas Fraga, coordinador de Edicións Laiovento, empresa editora do libro, así como numeroso público que encheu por completo a Casa da Cultura Domingo Fontán. Entre os asistentes estaban o historiador Xosé Fortes Bouzán e a súa dona, así como a filóloga e poetisa Belén Fortes, proxenitores e irmá, respectivamente, do escritor que presentaba o libro.
O alcalde, Ricardo Martínez, deu a benvida aos presentes e agradeceu especialmente ao autor, Alberto Fortes, que escollera a figura do insigne xeógrafo para escribir o seu último libro e salientou a importancia que para Portas e para Galicia enteira ten a figura de Domingo Fontán.
Sen máis, o alcalde deixou paso ao desenvolvemento do acto de presentación que coordinou Afonso Ribas quen deu paso a Gerino Calvo Maquieira quen fixo unha aproximación ao libro e, sobre todo, á capacidade do autor de harmonizar a súa erudición sobre Domingo Fontán coa imaxinación e un dinamismo literario ao longo dos 27 capítulos desta obra que cautivan o interese do lector.
Calvo Maquiera falou do libro como un relato “de lectura obrigada para nenos e nenas así como adolescentes e mestres porque Fontán é un referente para Galicia. Alberto Fortes pon ao descuberto dun xeito sublime e ameno a persuasiva e empática figura de Domingo Fontán, un patriota que creía e traballaba polo desenrolo e o futuro do país”.
A continuación, tomou a palabra Alberto Fortes quen esbozou a vida e a obra de Domingo Fontán, base do relato que inspira o seu libro e reivindicou a necesidade de facer esta presentación na “patria do autor” (Portas) frase que utilizou no seu día o xeógrafo para indicar nos mapas o seu pobo de nacemento.
Alberto Fortes reivindicou a figura de Domingo Fontán como o artífice de que Pontevedra obtivera a capitalidade, ser responsable do trazado do primeiro ferrocarril galego entre Carril e Santiago, a actual división provincial de Galicia, a planificación de estradas interprovinciais así como a realización do primeiro mapa de Galicia mediante métodos científicos e xeodésicos que deron orixe a cartografía galega.
Fortes incursionou sobre o pensamento liberal e inconformista de Domingo Fontán, os seus anos de persecución e sufrimento polas súas ideas, os enfrontamentos coa Inquisición, os padecementos aos que foi sometido, a súa expulsión da Universidade, etc. Tamén falou da súa faceta como político, como deputado en Cortes, así como do seu sacrificado periplo pola xeografía galega, cargado cos seus estaquillóns e facendo levantamentos topográficos do terreo. Segundo Fortes, Domingo Fontán percorreu todas e cada unha das parroquias de Galicia e tiña unha concepción territorial baseada nas comarcas como unidade de agrupamento poboacional e de idiosincrasia galega.
Finalmente, abreuse un turno de palabra e unha pequena charla sobre a figura de Domingo Fontán entre os presentes. O acto rematou coa interpretación do himno galego e un aperitivo facilitado polo Concello de Portas no que aproveitou o público presente para solicitarlle ao autor que lle adicaran os libros adquiridos a Librería Couceiro, que colocou un stand na entrada do centro cultural.
O concello de Portas non rexistra a día de hoxe ningún caso activo de Covid-19, xusto cando a Xunta acaba de declarar a finalización da situación de emerxencia sanitaria a partir de mañá sábado 23 de outubro.
Mentras non se produza ningunha novidade destacable, o Concello de Portas deixa a partir de agora de emitir parte diario do número de casos de Covid-19 rexistrados no noso municipio.
🟦 Galicia declara a finalización da situación de emerxencia sanitaria a partir do sábado 23 de outubro estas son as novas medidas que entran en vigor:
📋 A Comunidade conta cunha lei específica para seguir xestionando a pandemia coas máximas garantías.
✅ Entramos nunha situación de normalidade con novas medidas
Aforos ao 100% en case todos os eidos.
🍽️ Hostalería e ocio nocturno: aforo ao 100% e amplíanse horarios.
💉 Certificado covid: ocio nocturno e albergues.
😷 Mantense o uso da máscara.
👴👵 Levantamento das medidas excepcionais nas residencias maiores e de persoas con discapacidade.
O escritor galego Alberto Fortes presenta este domingo ás 12:30 horas na Biblioteca de Portas o seu último libro que ten como protagonista ao xeógrafo Domingo Fontán baixo o título “A viaxe xeométrica de Domingo Fontán”.
No acto estará acompañado polo alcalde de Portas, Ricardo Martínez, o profesor ex director da Escola de Maxisterio e da UNED, Gerino Calvo Maquieira e Afonso Ribas Fraga, coordinador de Edicións Laiovento, empresa editora do libro.
Este acto é aberto ao público polo que calquera persoa que queira asistir pode achegarse ata a Casa da Cultura Domingo Fontán-Biblioteca, en Portas, na Porta do Conde. Será obrigado o uso de máscara e manter o distanciamento social.
A proposta do Grupo de Goberno do Partido Popular, a Corporación Municipal de Portas decidiu cos votos a favor de tódolos edís, agás o BNG que se abstivo, a cancelación do crédito que o Concello mantiña co Banco Santander desde o ano 2012 polo importe restante de 111.130,41.
Esta operación de cancelación de crédito lévase a cabo grazas a estabilidade orzamentaria e a solvencia económica do Concello de Portas que permitiu rematar as contas do ano 2020 cun remanente de tesourería de 485.400,41 euros.
Deste xeito o Concello de Portas libera nos orzamentos municipais, para o ano 2022, uns 73.000 euros que estaba deste xeito comprometidos para atender a amortización deste crédito subscrito pola Corporación Municipal do ano 2012 por importe total de 591.000 euros e que íase pagando anualmente desde as arcas municipais.
AGORA DESTINARANSE OS 73.000 EUROS ANUAIS USADOS PARA PAGAR O CRÉDITO A GASTO SOCIAL E DE MELLORA DA CALIDADE DE VIDA DOS VECIÑOS
Segundo o alcalde, Ricardo Martínez, “a solvencia e estabilidade económica levada a cabo polo equipo de goberno actual permítenos saldar agora esta débeda co remanente de tesourería de preto de medio millón de euros e libéranos do compromiso orzamentario deses 73.000 euros anuais que empregábamos en pagar o crédito. Agora eses cartos poderemos destinalos a atender cuestións de índole social e a mellorar infraestruturas municipais, moi necesarias e que nos permitirán mellorar a calidade de vida dos veciños e veciñas de Portas”.
Ricardo Martínez defendeu o modelo de xestión económica do equipo de goberno actual “que nos permite atender en tempo e forma a tódolos provedores ao tempo que podemos concurrir ás subvencións doutras institucións o que facilita que o Concello de Portas poida seguir ampliando os servizos e a atención municipal aos veciños e veciñas do noso municipio. Pretendemos utilizar dun xeito máis eficaz e eficiente os recursos económicos do Concello para non gastar máis do que temos e os cartos dos que dispoñemos usalos con cabeza e con sentidiño para sacarlle o máximo rendemento sen hipotecar o presente nin o futuro do noso Concello”, concluíu o alcalde de Portas.
O reencontro entre veciños e veciñas de Portas que por mor da pandemia non se veían desde había tempo marcou a celebración do “XXVIII Xantar da Terceira Idade” celebrado este mediodía no pavillón municipal de deportes organizado polo Concello de Portas.
O acto estivo presidido polo alcalde, Ricardo Martínez, e os membros do equipo de goberno que estiveron acompañados pola directora xeral de Relacións Institucionais e Parlamentarias da Xunta de Galicia, Blanca García-Señoráns Álvarez. Os asistentes, que casi esgotaron por completo o aforo previsto, eran veciños e veciñas maiores de 61 anos, empadroados no municipio, que previamente se incribiron para participar neste xantar e que contan co certificado de terse vacinado fronte ao Covid-19.
En torno ás 12:30 horas, do mediodía, a Banda de Música de Lantaño foi a encargada de abrir o evento e de ir entretendo ás persoas que ían chegando para asistir á misa de campaña oficiada polo cura párroco D. Román quen ensalzou a celebración do Día da Virxe do Pilar, patroa da Garda Civil, e tamén se referiu ao Día da Hispanidade.
Posteriormente, a Banda de Música de Lantaño ofreceu un concerto que serviu de entretemento para as persoa que se foron achegando para poder entrar no pavillón municipal de deportes, lugar habilitado e especialmente decorado para a ocasión e dar acubillo a este Xantar da Terceira Idade.
A concelleira Chus Fontán e o alcalde, Ricardo Martínez, foron os encargados de darlle a benvida oficial aos comensais e agradecerlles a súa persenza neste acto de confraternidade e reecontrol veciñal que vén a marcar certa volta á normalidade despois dos duros embates da pandemia da Covid-19.
Tanto Fontán como Martínez lembraron os momentos difíciles que obrigaron á reclusión e a diminuir as relacións persoais e de amizade casi á mínima expresión e que agora se recobran con este reencontro veciñal promovido polo Concello de Portas e que ten como principais protagonistas aos veciños e veciñas maiores de 61 anos, empadroados e que teñen inoculada a pauta completa de vacinación fronte á Covid-19.
A sobremesa completouse cunha gran queimada realizada por Ramón e un monólogo de humor e unha actuación de maxia para dar continuidade a unha tarde de reencontro e amizade en Portas.
O Concello de Portas recupera o seu tradicional Xantar da Terceira Idade que se celebrará o vindeiro 12 de outubro no pavillón municipal de deportes e ao que poderán asistir todos os veciños maiores de 61 anos empadroados no municipio que previamente se inscriban e que teñan o certificado de terse vacinado fronte ao Covid-19.
Para facilitar que ninguén se quede sen inscribirse no “XXVIII Xantar da Terceira Idade”, a organización habilitou o teléfono 662 62 04 85 para que aquelas persoas que queiran asistir poidan facer a súa reserva ata este luns, aínda que é festivo local en Portas, e permitir que todo o mundo que así o desexe poida gozar deste reencontro das persoas maiores do municipio.
O evento comezará ás 12 da mañá no pavillón municipal de deportes cun concerto da Banda de Música de Lantaño que se interrumpirá ás 13 horas para que se poida oficiar unha misa de campaña para, posteriormente continuar coa música en directo da devandita agrupación musical.
Na sobremesa terá lugar un monólogo a cargo dun humorista e a actuación dun mago que ofrecerá un espectáculo de prestidixitación para animar aos comensais que se dean cita no pavillón municipal de deportas de Portas.
Segundo o alcalde, Ricardo Martínez, “a celebración desta actividade vén a representar a recuperación simbólica da normalidade despois das restricións por mor da pandemia. A xente ten gañas de verse, de volver recuperar as súas celebracións, as súas actividades e ir pouco a pouco volvendo a vivir en liberdade e con seguridade”.
Pola súa banda a concelleira María Jesús Fontán insistiu na necesidade de que a xente que cumpra os requisitos se anote para participar no evento “para o cal habilitamos o teléfono 662 62 04 85 para que ata o mesmo luns, aínda que é festivo local en Portas, quen queira se poida anotar e ninguén quede fóra. Queremos que todo saia á perfección, respectando en todo momento as medidas anticovid que nos indican as autoridades sanitarias. Animamos aos que todavía non se anotaron que o fagan porque vai ser un reencontro moi especial para todos”, indicou a concelleira.
A Casa da Cultura de Porta acolle os días 26 e 27 de outubro unha sesión de motivación para a búsqueda de emprego “Muller e mercado laboral” dentro dos cursos de formación gratuíta dirixida a mulleres do medio rural “Adelante Rural”.
Os requisitos para poder participar é ter a tarxeta do paro en vigor e o DNI. O prazo de inscrición remata o vindeiro 20 de outubro no Concello de Portas (Educadora familiar). As prazas son limitadas e o horario das xornadas será de 10 a 14 horas.
Para máis información haise que dirixir ao Concello de Portas ou chamar ao teléfono 662 62 03 97.
O Auditorio da Azucreira de Portas serviu de escenario idóneo para que o público gozara cunha espectacular actuación musical do grupo “Ancestros” que chegou ata o noso municipio a través do programa “Cultura no Camiño 2021” da Xunta de Galicia.
“Ancestros” fixo gozar dunha tarde chea de música con influxo celta e nórdico, mesturado con fusións étnicas e tradicionais, que dan vida a unha identidade e son propios e que só se pode definir como: “Estilo devanceiros”.
Por uns instantes, conseguiron que os espectadores regresaran a unhas épocas esquecidas que xa só viaxan polo recordo. Música, cultura, tradición, baile e espectáculo déronse a man en Portas para facer gozar ao público dunha gran actuación musical.
