O Concello de Portas acudiu á liña de axudas económicas a entidades locais para realizar actuacións de emerxencia que garantan o abastecemento de auga potable domiciliaria ante a situación de seca postas en marcha pola Deputación de Pontevedra para repoñer o material destrozado polos ladróns que asaltaron a ETAP de Romai.

O importe total da subvención solicitada a Deputación de Pontevedra ronda os 10.000 euros e van destinados a atender, pola vía de urxencia, a dotación de material informático, medidores, dosificadores de cloro e todo o sistema automatizado que daba cobertura á Estación de Tratamento de Auga Potable (ETAP) de Portas que foi totalmente inutilizada e destrozada por un grupo de asaltantes que acabaron levándose unha das dúas electrobombas que prestaban servizo alí.

Con urxencia e para evitar que os veciños e veciñas das parroquias de Lantaño, Portas e Romai se quedaran sen abastecemento domiciliario de auga potable, os operarios municipais e os da empresa instaladora do sistema automatizado da ETAP lograron en tempo récord habilitar un sistema provisional para dar subministro, pero que agora se tivo que completar cun novo en substitución do existente.

O alcalde, Ricardo Martínez agarda que a Deputación de Pontevedra sexa sensible a esta petición que encaixa perfectamente no espírito desta liña de axudas coa que o ente provincial colabora cos concellos da provincia para facer fronte aos efectos da seca e, como neste caso, aos problemas urxente sobrevidos en materia de abastecemento de auga potable domiciliaria.

Antonio Rial, doutor en Psicoloxía e profesor titular da Universidade de Santiago, pronunciará unha conferencia dentro do proxecto Escola de Familias titulada “É realmente inocua a tecnoloxía?”. Esta charla terá lugar o 14 de novembro ás 17:45 horas na biblioteca do CPI Domingo Fontán e está organizada polo centro coa financiación do CFR de Pontevedra.

Rial é responsable de numerosos proxectos de investigación no eido da mocidade, dende o uso problema´tico de internet, as redes sociais o ciberbulling ao consumo de alcohol.

O Concello logrou repoñer en condicións o subministro de auga potable ás vivendas de Portas, Lantaño e Romai despois do grave problema ocasionado polo roubo dunha electrobomba e os enormes destrozos realizados na Estación de Tratamento de Auga Potable (ETAP) de Romai.

Agradecemos á veciñanza pola súa comprensión e paciencia e pregamos un pouco de calma nas zonas altas porque pode que lle chegue a auga cun pouco de retraso, pero chegará.

Grazas pola colaboración e sinalar que desde o Concello queremos tamén agradecer aos operarios e á empresa instaladora dos sistemas de cloración e potabilización o esforzo realizado para recuperar en tempo récord o subministro de auga potable e en boas condicións aos nosos veciños e veciñas.

O alcalde Ricardo Martínez denunciou de inmediato ante a Garda Civil o roubo dunha electrobomba, cables eléctricos e graves destrozos na ETAP que obrigan a cortar o subministro de auga potable municipal aos veciños de Portas, Lantaño e Romai.

Axentes da Garda Civil personáronse nas instalacións da ETAP ubicada en Romai para realizar as pertinentes pesquisas que dean como resultado a identificación, localización e detención dos autores deste roubo que atenta directamente contra o subministro de auga potable ao municipio e que supón un grave trastorno para a veciñanza e o propio Concello de Portas.

O roubo e os graes desperfectos na ETAP foron descubertos no momento en que un operario do Concello fixo a visita correspondente para comprobar os niveis de cloro, ph, etc. e atopouse coa porta rebentada, o material polo chan, os ordenadores dañados, unha bomba inutilizada e a outra substraída. De inmediato deu parte ao alcalde quen foi o encargado de alertar aos corpos e forzas de seguridade do Estado.

Os operarios municipais procederon a cortar o subministro xa que quedou totalmente inoperativo o sistema de depuración que garantiza a potabilidade da auga da traída municipal que reciben os veciños de Portas, Lantaño e Romai e puxéronse en contacto coa empresa instaladora para intentar resolver o problema canto antes.

Así, o alcalde Ricardo Martínez está ao fronte dun operativo que dea solución o máis axiña posible a este contratempo para que a veciñanza destas tres parroquias recuperen a normalidade no subministro e poida reestablecerse con garantías sanitarias o servizo.

O alcalde amosou a súa indignación e sinalou que “estamos traballando en dous frente. Por unha banda en intentar restablecer o servizo, con garantías, o máis axiña posible, e por outra estamos colaborando ao máximo coas forzas e corpos de seguridade do Estado para localizar aos autores deste roubo para que caia sobre eles todo o peso da lei”, indicou Ricardo Martínez.

“Intentaremos subministrar auga, de novo e canto antes, aínda que non teña garantías plenas de salubridade e que polo menos a xente teña algo con que lavarse ou ducharse mentras non subsanamos todo esta liada na que estamos. Arrancaron todo, destrozaron os medidores, os sistemas de potabilización automatizada, os ordenadores, as cloradoras, os controladores de PH e floculante, absolutamente todo. Un auténtico desastre!”, exclamou o alcalde de Portas, Ricardo Martínez.

O Concello de Portas convértese en pioneiro no fomento do uso de enerxías alternativas ao emprego de combustibles fósiles tras instalar na Rapeira un posto de recarga semirápida para automóviles, bicicletas eléctricas e patinetes. Polo momento, este servizo terá un carácter gratuíto e autoxestionado polos usuarios co que o Concello pretende ofrecer unha alternativa medioambiental sostible.

O custe total do investimento foi de 10.836,23 euros e contou cunha achega de 9.687,59 euros provinte do Fondo Europeo Agrícola de Desenvolvemento Rural (Leader) que permite contar con estas instalacións habilitadas a través de dúas prazas de aparcamento sinalizadas en verde no chan e que poderán dar servizo a dous automóbiles ao mesmo tempo cunha potencia máxima de 22 Kw/hora.

Segundo manifestou o alcalde de Portas, Ricardo Martínez, “esta “electrolinera” terá unha capacidade de recarga de máxima de 22 Kw/hora e permitirá que varios usuarios poidan utilizar ao mesmo tempo este servizo de xeito gratuíto. A nosa intención é ofrecer nun sitio xeoestratéxico, como é A Rapeira (nas proximidades do campo de fútbol, o centro de saúde, o consistorio e a Casa da Cultura) un punto de recarga para facilitar que aquelas persoas que decidiron apostar por outras enerxías alternativas aos combustibles fósiles teñan posibilidades de repostar”.

Para Ricardo Martínez “o ideal é que a xente use con respecto e racionalidade o servizo que, de momento será gratuíto, e que poidan achegarse tanto veciños como visitantes a repostar comodamente mentras fan as súas compras, van ao médico, a unha actividade deportiva, etc. Ao ser un servizo pioneiro seguro que tamén se achegarán visitantes ao noso Concello con vehículos destas características e fomentarase de xeito indirecto tamén o turismo xa que non todo o mundo dispón deste servizo que é cada vez máis demandado por aquelas persoas que apostaron por algún tipo de vehículo eléctrico”, indicou Martínez.

UN CONCELLO COMPROMETIDO COA SOSTENIBILIDADE, QUE APOSTA POLO AFORRO ENERXÉTICO E O RESPECTO MEDIOAMBIENTAL

O alcalde de Portas lembrou que o municipio está levando a cabo nos últimos tempos unha aposta clara e decidida polo medio ambiente, baseado en cumprir cos obxectivos do Pacto de Alcaldías polo Clima e a Enerxía Sostible (PACES) que prevé unha redución do 30% das emisións contaminantes. Así, o Concello levou a cabo un ambicioso proceso de substitución das luminarias tradicionais por outras Led de baixo consumo en practicamente todo o municipio, optimizouse a caldeira de pellets no complexo sociocultural da Azucreira e se instalaron placas solares que abastecen de enerxía aos edificios de titularidade municipal.

“O futuro está no uso racional e sostible da enerxía en perfecta harmonía co medio ambiente. Todos, na medida das nosas posibilidades, temos que contribuir a loitar contra o cambio climático e por facer máis habitable medioambientalmente o noso planeta e o noso espazo máis próximo”, indicou o alcalde de Portas quen insistiu en que “esta é unha experiencia pioneira na que temos depositadas moitas ilusións e agora agardamos un uso responsable da veciñanza e un aproveitamento racional deste recurso que, inicialmente, poremos a disposición do público dun xeito gratuíto”, concluiu Ricardo Martínez.

O Concello de Portas solicita a máxima colaboración veciñal para evitar que se sigan utilizando de xeito inadecuado os contedores de lixo do municipio. Nos últimos días levan aparecendo de xeito reiterado material de obras, entullo, anacos de mangueira eléctrica, etc. elementos que non se poden depositar nos recipientes de recollida de residuos sólidos urbáns.

Ante esta situación, o Concello advirte de que se tomarán medidas  contra os infractores xa que a proliferación de residuos inadecuados están provocando serias avarías no camión de recollida de lixo que ao accionar os sistemas de empacado resultan seriamente danados.

Por outra banda, o Concello de Portas porá en coñecemento da Garda Civil o achádego de restos de mangueiras eléctricas seccionadas que poideran corresponder ao material substraído recentemente no municipio co fin de practiquen as probas pertinentes para tratar de comprobar a súa procedencia e determinar tamén si están relacionadas ou non con ese roubo.

O Concello de Portas leva meses renovando os contedores e optimizando o servizo de recollida de lixo co fin de ter atendida do mellor xeito posible toda a demanda que en materia de residuos se poida producir no municipio polo que reitera a súa petición de colaboración veciñal para que esta se realice de xeito adecuado.

O Concello de Portas celebrou con gran éxito de participación o “XXIX Xantar da Terceira Idade” celebrado no pavillón municipal de deportes e que contou coa presenza do alcalde, Ricardo Martínez, o director xeral de Maiores e Atención Sociosanitaria da Xunta, Antón Acevedo e os rexedores de Moraña, José Cela, e Meis, Marta Giráldez.

En torno ás 12:30 horas, do mediodía, a Banda de Música de Lantaño foi a encargada de abrir o evento e de ir entretendo ás persoas que ían chegando para asistir á misa de campaña oficiada polo cura párroco D. Román quen ensalzou a celebración do Día da Virxe do Pilar, patroa da Garda Civil, e tamén se referiu ao Día da Hispanidade.

Posteriormente, a Banda de Música de Lantaño ofreceu un concerto que serviu de entretemento para as persoa que se foron achegando para poder entrar no pavillón municipal de deportes, lugar habilitado e especialmente decorado para a ocasión e dar acubillo a este Xantar da Terceira Idade.

UN ACTO DE CONFRATERNIDADE E REENCONTRO VECIÑAL

A concelleira Chus Fontán e o alcalde, Ricardo Martínez, foron os encargados de darlle a benvida oficial aos comensais e agradecerlles a súa persenza neste acto de confraternidade e reecontro veciñal que se afianza como un dos eventos máis entrañables polo concurrido que resulta e pola participación de residentes en todas e cada unha das catro parroquias que compoñen o municipio.

A sobremesa completouse cunha gran queimada realizada por Ramón e a animación musical a cargo de Antonio Barros, cantante que triunfa no programa “Luar” da Televisión de Galicia.

O alcalde de Portas, Ricardo Martínez Chantada, acaba de regresar de Bulgaria onde participou na cidade de Nikopol nun irmandamento de municipios europeos, convidado pola Unión Europea dentro do programa “Project Europe for citizens. The citizes of Europe to build a better future”.

Portas formou parte da delegación española que, xunto a outros once países, acudiu a este encontro de irmandamento europeo promovido pola UE e na que o alcalde Ricardo Martínez tivo a oportunidade de dirixirse ao público presente e ás autoridades búlgaras, así como aos representantes dos outros concellos eurpeos, para promocionar os atractivos turísticos do municipio, vencellado ao Camiño de Santiago, e tamén o enoturismo e a cultura do viño, moi aprezada e valorada no resto de Europa.

Ricardo Martínez participou en varios grupos de traballo especialmente orientados á promoción turística e á viticultura, como os dous elementos máis salientables e de interese para Portas neste primeiro encontro europeo no que participa o municipio, representando a España. Tamén asinou un protocolo de boa veciñanza europea e de irmandamento cos pobos de Europa.

UN IRMANDAMENTO PARA IR CONSTRUÍNDO A EUROPA SOCIAL

Segundo manifestou Ricardo Martínez, “este irmandamento promovido pola Unión Europea está especialmente pensado para ir, pouco a pouco, promocionando unha maior integración entre os municipios europeos e para sementar a cultura da colaboración, o coñecemento mutuo, a solidariedade e tamén a promoción turística e económica dos distintos espazos europeos para incentivar a interrelación e a construción dunha Europa cunha visión un tanto máis social e non so económica, que tamén é interesante”, indicou o alcalde de Portas.

Nikopol é unha cidade do norte de Bulgaria, pertencente á provincia de Pleven, na marxe dereita do río Danubio a uns 4 quilómetros río abaixo da desembocadura do río Osam. Esténdese ao pé de cantís empinados ao longo do Danubio e dun estreito val. Ten unha poboación que ronda os 4.000 habitantes e está conformada por un crisol de culturas onde conviven cristiáns ortodoxos, otomanos e musulmáns. Bulgaria ingresou na Unión Europea no ano 2007, pero, de feito, aínda conserva a súa moeda nacional, o “Lev” búlgaro ou a “Leva”. Está previsto que adopte o euro en xaneiro do 2024.

Despois desta experiencia, está aberta a porta a participación do municipio e máis iniciativas europeas que teñan como protagonistas a Portas e tamén aos seus veciños e veciñas xa que durante esta visita o alcalde, Ricardo Martínez, avanzou coas autoridades europeas en máis programas e iniciativas que poden redundar dun xeito activo na promoción turística e social de Portas co apoio e a financiación da Unión Europea.

O ALCALDE DE PORTAS PARTICIPAN EN NIKOPOL (BULGARIA) NUN IRMANDAMENTO DE MUNICIPIOS EUROPEOS

Ricardo Martínez asinou un protocolo de boa veciñanza europea e e aproveitou a ocasión para promocionar os atractivos turísticos do municipio, vencellado ao Camiño de Santiago e á viticultura

Portas, 10 de outubro de 2022

O alcalde de Portas, Ricardo Martínez Chantada, acaba de regresar de Bulgaria onde participou na cidade de Nikopol nun irmandamento de municipios europeos, convidado pola Unión Europea dentro do programa “Project Europe for citizens. The citizes of Europe to build a better future”.

Portas formou parte da delegación española que, xunto a outros once países, acudiu a este encontro de irmandamento europeo promovido pola UE e na que o alcalde Ricardo Martínez tivo a oportunidade de dirixirse ao público presente e ás autoridades búlgaras, así como aos representantes dos outros concellos eurpeos, para promocionar os atractivos turísticos do municipio, vencellado ao Camiño de Santiago, e tamén o enoturismo e a cultura do viño, moi aprezada e valorada no resto de Europa.

Ricardo Martínez participou en varios grupos de traballo especialmente orientados á promoción turística e á viticultura, como os dous elementos máis salientables e de interese para Portas neste primeiro encontro europeo no que participa o municipio, representando a España. Tamén asinou un protocolo de boa veciñanza europea e de irmandamento cos pobos de Europa.

UN IRMANDAMENTO PARA IR CONSTRUÍNDO A EUROPA SOCIAL

Segundo manifestou Ricardo Martínez, “este irmandamento promovido pola Unión Europea está especialmente pensado para ir, pouco a pouco, promocionando unha maior integración entre os municipios europeos e para sementar a cultura da colaboración, o coñecemento mutuo, a solidariedade e tamén a promoción turística e económica dos distintos espazos europeos para incentivar a interrelación e a construción dunha Europa cunha visión un tanto máis social e non so económica, que tamén é interesante”, indicou o alcalde de Portas.

Nikopol é unha cidade do norte de Bulgaria, pertencente á provincia de Pleven, na marxe dereita do río Danubio a uns 4 quilómetros río abaixo da desembocadura do río Osam. Esténdese ao pé de cantís empinados ao longo do Danubio e dun estreito val. Ten unha poboación que ronda os 4.000 habitantes e está conformada por un crisol de culturas onde conviven cristiáns ortodoxos, otomanos e musulmáns. Bulgaria ingresou na Unión Europea no ano 2007, pero, de feito, aínda conserva a súa moeda nacional, o “Lev” búlgaro ou a “Leva”. Está previsto que adopte o euro en xaneiro do 2024.

Despois desta experiencia, está aberta a porta a participación do municipio e máis iniciativas europeas que teñan como protagonistas a Portas e tamén aos seus veciños e veciñas xa que durante esta visita o alcalde, Ricardo Martínez, avanzou coas autoridades europeas en máis programas e iniciativas que poden redundar dun xeito activo na promoción turística e social de Portas co apoio e a financiación da Unión Europea.

A Xunta de Galicia, a través da Consellería do Medio Rural, está a investir máis de 100.000 euros na mellora de pistas rurais nos lugares de Cachada, Almirante e Tras do Río, no Concello de Portas, cun financiamento ao abeiro do Plan Marco de mellora de camiños municipais de acceso a parcelas agrícolas e do Plan de Infraestruturas Rurais (PIR) correspondente ao presente ano 2022.

Por este motivo, o delegado territorial da Xunta en Pontevedra, Luis López, acompañado polo alcalde de Portas, Ricardo Martínez, e polo xefe territorial do Medio Rural, Antonio Crespo, realizou esta mañá unha visita de supervisión ao vial entre Almirante e Tras do Río, cuxa mellora xa está rematada e á que se dedicaron 54.000 euros do Plan Marco, e tamén á contorna do camiño entre Cachada e Portas, na que se investiron case 49.000 euros do PIR.

Estas actuacións consistiron principalmente na renovación do firme, que se atopaba deteriorado en varios puntos, o ensanchamento da plataforma naqueles espazos onde era necesario e había dispoñibilidade de terreos para a súa ampliación e outras pequenas melloras que incluíron a construción dalgún muro de contención ou a reposición de servizos.

“É fundamental realizar un apoio constante aos concellos rurais para soster as súas infraestruturas viarias, tal e como facemos todos os anos dende a Xunta, para mellorar a mobilidade das súas aldeas e parroquias e facilitar os labores agrogandeiros que, no caso dun municipio como Portas, son fundamentais para a súa economía, na que os sectores primario e da vide teñen moito peso”, explicou o representante autonómico, que salientou que a Xunta incrementou este ano o Plan Marco para este concello en case un 17% e o PIR en preto dun 3%.

Deste xeito, o Concello de Portas ten recibido, ao longo do último lustro, máis de 467.000 euros da Consellería do Medio Rural para o acondicionamento das súas vías municipais de carácter rural a través do citado Plan Marco de mellora de camiños municipais de acceso a parcelas agrícolas e do Plan de Infraestruturas Rurais (PIR). Con estas achegas, favoreceuse a modernización de ata unha quincena de pistas pertencentes a unha decena de parroquias ou lugares do termo municipal, como Rapeira, Currás, Barreira, Portas, Briallos, Lantaño, Casal, Torre ou Romai, ademais das beneficiarias das partidas do presente ano.

O Concello de Portas recibiu unha subvencións para a Sinalización do Patrimonio-Cultural aos Concellos da Provincia de Pontevedra – Liña B da Deputación de Pontevedra, pertencente á anualidade 2021 de 2.855,60 euros.

Esta axuda permite seguir sinalizando os distintos elementos pertencentes ao patrimonio cultural, etnográfico e histórico do que dispón o municipio.