O Auditorio municipal da Azucreira de Portas serviu de escenario para a actuación de “Barriga Verde”, de Viravolta Títeres que chegaron ata o noso municipio a ravés do programa “Tornar ás táboas” da Deputación de Pontevedra. Este coñecido grupo de marionetas actuou para alumnos e alumnas de 5º e 6º de primaria do CPI Domingo Fontán.

Entre os asistentes a esta representación se atopaba a deputada delegada de Cultura, Victoria Alonso, acompañada polas concelleiras do Concello de Portas Mª Jesús Fontán e Ana María Peña.

A obra mestura a tradición do títere galego coa europea recollendo cinco situacións que “Barriga Verde” en compañía da súa cachiporra, resolve dun xeito que incomoda ao Demo ao ver o seu inferno cheo de personaxes que non lle son gratos.

O espectáculo está baseado na investigación que a compañía fixo sobre a figura de “Barriga Verde” e o títere tradicional galego.