O Concello de Portas, en colaboración co Colexio C.P.I. Domingo Fontán, vai levar a cabo unhas charlas formativas en educación sexual co alumnado de 3º e 4º da ESO, coa finalidade de traballar a prevención da violencia sexual, reforzar e ampliar valores igualitarios e unha educación afectivo-sexual dende un abordaxe integral (aspectos fisiolóxicos e afectivos- emocionais).
Dita actividade realízase ao abeiro das medidas sinaladas no Pacto de Estado contra a Violencia de Xénero, financiado con cargo aos créditos recibidos do Ministerio de Igualdade, Secretaría do Estado de Igualdade e contra a Violencia de Xénero.
