Con motivo do 8 de Marzo, Día Internacional da Muller, o Concello de Portas en colaboración co Colexio C.P.I. Domingo Fontán e as E.E.I. de Romai e Lantaño, levará a cabo varias actividades dirixidas ao alumnado de infantil e de primaria ao longo do mes de marzo, ao abeiro das medidas sinaladas no Pacto de Estado contra a Violencia de Xénero, financiado con cargo aos créditos recibidos do Ministerio de Igualdade, Secretaría do Estado de Igualdade e contra a Violencia de Xénero.

As actividades propostas teñen a finalidade de ofrecer ao alumnado ferramentas que permitan adquirir valores e aprendizaxes de comportamento fundamentadas na equidade de xénero:

• Contacontos “O meu corpo é meu”
• Charlas de intervención socioeducativa sobre empoderamento feminino e igualdade de xénero.

CONCELLO DE PORTAS