O ALCALDE DE PORTAS E O DIRECTOR DA UNED EN PONTEVEDRA CLAUSURAN O VI CAMPUS “INGLÉS NA MIÑA CONTORNA” NO QUE PARTICIPARON 30 NENOS E NENAS

O alcalde de Portas, Ricardo Martínez, o tenente de alcalde, Alfonso Vázquez, e o director do Centro Asociado da UNED en Pontevedra, Víctor M. González, clausuraron oficialmente o VI Campus “Inglés na miña contorna” realizada no municipio de Portas e no que participaron un total de 30 nenos e nenas da zona que recibiron todos e cada un deles un diploma acreditativo da súa asistencia a esta iniciativa lúdico formativa.

Esta iniciativa, que chega xa á súa sexta edición permitiu que 30 nenos e nenas con idades comprendidas entre os 10 e 15 anos se mergullaran durante uns días nun campamento urbano bilingüe a través do cal aprenderon a relacionarse utilizando como lingua vehicular o inglés.

OS NENOS E NENAS DA LUDOTECA MUNICIPAL GOZAN DAS ACTIVIDADES DE VERÁN DIRXIDAS POLOS MONITORES DE TEMPO DE LECER

Durante esta semana os participantes na Ludoteca Municipal de verán seguiron gozando de diversas actividades entre as que destacan varias relacionadas coa concienciación ambiental, plogging na Azucreira de Portas e Vía Verde…

En cantos ás actividades de concienciación sobre reciclaxe, reutilizar e reducir, os nenos e nenas elaboraron cubos de reciclaxe propios para o CPI Domingo Fontán, a Azucreira e a Praia Fluvial; ademais de facer niños para paxaros…

Tamén aprenderon a xongar ao hóckei, deporte que tivo moito éxito entre a rapazada. Ademais frescáronse coa festa da escuma despois dunha actividade cos membros do CLUB ACUÁTICO UMIA de Caldas de Reis, onde lles ensinaron varias probas de modalidade de praia e xogaron todos/as a bandeiras e substitucións de sprint.

Para rematar a semana fóronse de excursión ao Grove, onde visitaron o centro de interpretación da Península do Siradella e divertíronse no parque dos Grobit.

Para a semana continuarán divertíndose con moitas máis actividades lúdico-formativas.

O CONCELLO DE PORTAS ORGANIZA O 5º CAMPIONATO INTERPARROQUIAL DE FÚTBOL QUE SE DISPUTARÁ O LUNS 25 DE XULLO, DÍA DE GALICIA, EN RAPEIRA

O Concello organiza e patrocina o Vº Campionato Interparoquial de Fútbol que se disputará o LUNS 25 DE XULLO no campo de fútbol municipal da Rapeira e no que participarán equipos de Portas, Lantaño, Briallos e Romai.

Os partidos comezarán ás 18 horas e os primeiros enfrontamentos que determinarán a fase final emparellarán a Portas fronte ao Lantaño (ás 18 horas) e a Briallos co Romai (ás 19 horas). A disputa polo 3º e 4º posto será ás 20 horas mentras que a gran final xogarase ás 20:30 horas. A entrega de trofeos será ás 21:30 horas.

Esta actividade promovida polo Concello de Portas, e que está prevista para o Día de Galicia, pretende irmandar ás parroquias que conforman o concello de Portas a través da práctica deportiva do fútbol como elemento aglutinador e vertebrador da boa veciñanza.

A DEPUTACIÓN DE PONTEVEDRA ABRE O PRAZO PARA UNHA SEGUNDA CONVOCATORIA DO PROGRAMA “DEPOTERMAL 2022”

A Deputación Provincial de Pontevedra acaba de facer pública unha segunda convocatoria do programa “Depotermal 2022”, para a cal está aberto o prazo de inscrición. Para ser beneficiario deben cumprir os requisitos:

  • Non ter adxudicada ningunha praza na primeira convocatoria.
  • Ter nacido antes do 1 de xaneiro de 1972.
  • No caso de nacer o 1 de xaneiro de 1972 ou con posterioridade, ter a condición de pensionista polos conceptos de xubilación, invalidez, viuvez ou outras pensións (achegarase unha fotocopia do certificado correspondente).
  • No caso de nacer o 1 de xaneiro de 1972 ou nunha data posterior, ter recoñecido un grao de discapacidade igual ou superior ao 65 0/0, que se acreditará coa tarxeta ou certificado de recoñecemento do grao de discapacidade.
  • É requisito indispensable, non padecer ningunha enfermidade ou patoloxía incompatible coa actividade do programa, así como estar en condicións de total autonomía, para desfrutar das instalacións dos Balnearios.
  • As parellas que desexen participar deberán cumpnr os mesmos requisitos.

A VECIÑANZA DE ROMAI DISFRUTOU DO ESPECTÁCULO “ABRACADAVER” DE AS SIRCÓPATAS, A TRAVÉS DO PROGRAMA “CULTURA NO CAMIÑO 2022”

A veciñanza de Romai disfrutou o domingo 17 de xullo do espectáculo “ABRACADAVER” de As Sircópatas (a través do Programa “Cultura no Camiño 2022” da Xunta de Galicia e AGADIC). Este espectáculo poderíase definir como unha cura colectiva para perder o medo, grazas á interpetación de Rogelio e o seu espectáculo circense que reúne sobre o escenario malabares, faquirismo, acordeón e unha chea de sorpresas que encandilan e atraen a atención do público presente.

UN TOTAL DE 55 NENOS E NENAS PARTICIPAN NAS ACTIVIDADES DE VERÁN DE PORTAS “CAMIÑANDO XUNT@S 2022”, UNHA INICIATIVA DO CONCELLO PARA CONCILIAR A VIDA LABORAL E FAMILIAR

O alcalde de Portas, Ricardo Martínez, asistiu ao inicio de actividades do programa “Camiñando xunt@s 2022”, que pon en marcha o Concello, coa colaboración económica da Deputación, para favorecer a conciliación da vida laboral e familiar ao tempo que un total de 55 nenos e nenas en xullo e 30 en agosto disfrutan dun verán con actividades lúdicas e formativas de luns a venres en horario de 08:30 h ás 14:30 horas.

Ricardo Martínez foi recibido nas instalacións do CPI Domingo Fontán, onde  cortou, simbólicamente, a cinta de inauguración de actividades, acompañado da Concelleira María Jesús Fontán. Ámbolos dous estamparon as súas man no cartel de benvida e participaron activamente en xogos e actividades de animación programadas polos monitores de tempo de lecer encargados de dinamizar a estancia dos mozos e mozas.

INFINIDADE DE ACTIVIDADES PARA DIVERTIRSE E APRENDER

Durante o mes de xullo, os nenos e nenas participantes nesta iniciativa municipal realizarán actividades variadas, como iniciación á equitación, geocahing, educación vial, galería da arte, taller de exhibición de taekwondo, visita do club de salvamento UMIA, charla de primeiros auxilio, etc. Todas as actividades desenvólvense entre o CPI Domingo Fontán, a Azucreira e a Praia Fluvial de Lantaño.

Este ano volveu cubrirse o número máximo de prazas disponibles, é dicir, 55 no mes de xullo e 30 para o de agosto, e no proceso de inscrición teñen preferencia os empadroados no municipio que traballe algún dos seus dous proxenitores en verán para, precisamente, facilitar con esta iniciativa desde o Concello a conciliación da vida laboral e familiar.

Segundo manifestou o alcalde, Ricardo Martínez, “esta iniciativa vén a dar resposta ás necesidades que moitas familias teñen en materia de conciliación e, ao mesmo tempo, é unha alternativa de tempo de lecer para a rapazada que rematou o curso escolar e que a través de “Camiñando xunt@s 2022” teñen alternativas para pasar as mañás de luns a venres con actividades entre amigos e compañeiros que fan o verán moito máis divertido”, indicou o alcalde de Portas.

“CULTURA NO CAMIÑO 2022” TRAE O 17 DE XULLO AO CENTRO SOCIOCULTURAL “XOSEFINA FIGUEROA” DE ROMAI O ESPECTÁCULO “ABRACADAVER” DE ASSIRCOPATAS

A través do Programa “Cultura no Camiño 2022” da Xunta de Galicia e AGADIC, o Concello de Portas programa a actuación de “ABRACADAVER” de Assircopatas para o vindeiro 17 de xullo ás 20:30 horas no Centro Sociocultural “Xosefina Figueroa” en Romai.

Esta actividade estará aberta a todos os públicos e a súa entrada será totalmente gratuíta ata completar aforo.

O GRUPO TEATRAL “POLO CORREO DO VENTO” PORÁ EN ESCENA O VINDEIRO 14 DE XULLO NA PRAIA FLUVIAL DE LANTAÑO UN ESPECTÁCULO SOBRE FLORENCIO DELGADO

O vindeiro xoves 14 de xullo, ás 12:30h na Praia Fluvial de Lantaño haberá unha representación dun espectáculo teatral sobre a vida e obra de Florencio Delgado, homenaxeado este ano no Día das Letras Galegas.

O grupo Polo Correo do Vento será o encargado de realizar a representación teatral e chega a Portas a través do Concello de Portas e a Deputación Provincial de Pontevedra.

Esta actividade está aberta ao público dun xeito gratuíto.

ALUMNOS DO CPI DOMINGO FONTÁN DE PORTAS DISPUTARÁN A FINAL DO “TORNEO DE XADREZ ESCOLAR NACIONAL POR EQUIPOS TIC-TAC CHESS” EN MADRID

Alumnos do CPI Domingo Fontán de Portas disputarán a final do “Torneo de Xadrez Escolar Nacional por Equipos Tic-Tac Chess” que terá lugar no mes de setembro na localidade madrileña de Alcalá de Henares, despois de impoñerse nun campionato autonómico celebrado no centro comercial Vialia de Vigo.

O alcalde do Concello de Portas, Ricardo Martínez, felicitou aos seis compoñentes do equipo que representará a Galicia nesta finalisima en Madrid e salientou o traballo que realiza o Club de Xadrez da Cultural Deportiva Portas, entidade á que pertencen estes campións galegos.

O equipo formado por Yeray, Lucas, Adán, Brais, Yoel e Manuel impúxose en Vigo ao CEIP García Barbón e a outros dous conxuntos denominados equipos Masterchess A y B que combinaban xogadores de varios colexios de Galicia.

Esta importante xesta prodúcese precisamente no transcurso da celebración do 50º Aniversario da creación do CPI Domingo Fontán en Portas onde a práctica do xadrez forma parte da idiosincrasia do centro e protagonizou cun torneo parte dos actos conmemorativos deste centro escolar coa disputa dun campionato de xadrez.

BÚSQUEDA DE RECURSOS ECONÓMICOS PARA ACUDIR Á FINAL

Por outra banda, ademais da ilusión de poder representar a Galicia, á provincia de Pontevedra, a Portas e ao CPI Domingo Fontán nunha final de trascendencia tan importante como esta a nivel nacional, as seis familias dos integrantes do equipo de xadrecistas están agora disfrutando da ilusión por acadar este éxito, pero tamén comeza un periodo de búsqueda de recursos económicos para facilitar o traslado e a estancia dos participantes e as súas familias na final que se disputará en Alcalá de Henares (Madrid).

ÁBRESE O PRAZO PARA SOLICITAR SER BENEFICIARIO DUNHA PRAZA NAS VIAXES PROGRAMADAS POLO IMSERSO DENTRO DAS INICIATIVAS DE TURISMO SOCIAL

Abrése o prazo para novas solicitudes de Turismo Social tempada 2022-23 do IMSERSO, dende o 17 de Xuño ata 19 de Xullo de 2022. Ante calquera dúbida ou para maior información, pódense dirixir aos Departamento de Servizos Sociais do Concello de Portas onde recibirán o asesoramento requerido.

Mais información nos enlaces:

https://www.imserso.es/imserso_01/index.htm
https://www.imserso.es/…/vac…/como_acreditarse/index.htm