O Concello de Portas recupera o seu tradicional Xantar da Terceira Idade que se celebrará o vindeiro 12 de outubro no pavillón municipal de deportes e ao que poderán asistir todos os veciños maiores de 61 anos empadroados no municipio que previamente se inscriban e que teñan o certificado de terse vacinado fronte ao Covid-19.

Para facilitar que ninguén se quede sen inscribirse no “XXVIII Xantar da Terceira Idade”, a organización habilitou o teléfono 662 62 04 85 para que aquelas persoas que queiran asistir poidan facer a súa reserva ata este luns, aínda que é festivo local en Portas, e permitir que todo o mundo que así o desexe poida gozar deste reencontro das persoas maiores do municipio.

O evento comezará ás 12 da mañá no pavillón municipal de deportes cun concerto da Banda de Música de Lantaño que se interrumpirá ás 13 horas para que se poida oficiar unha misa de campaña para, posteriormente continuar coa música en directo da devandita agrupación musical.

Na sobremesa terá lugar un monólogo a cargo dun humorista e a actuación dun mago que ofrecerá un espectáculo de prestidixitación para animar aos comensais que se dean cita no pavillón municipal de deportas de Portas.

Segundo o alcalde, Ricardo Martínez, “a celebración desta actividade vén a representar a recuperación simbólica da normalidade despois das restricións por mor da pandemia. A xente ten gañas de verse, de volver recuperar as súas celebracións, as súas actividades e ir pouco a pouco volvendo a vivir en liberdade e con seguridade”.

Pola súa banda a concelleira María Jesús Fontán insistiu na necesidade de que a xente que cumpra os requisitos se anote para participar no evento “para o cal habilitamos o teléfono 662 62 04 85 para que ata o mesmo luns, aínda que é festivo local en Portas, quen queira se poida anotar e ninguén quede fóra. Queremos que todo saia á perfección, respectando en todo momento as medidas anticovid que nos indican as autoridades sanitarias. Animamos aos que todavía non se anotaron que o fagan porque vai ser un reencontro moi especial para todos”, indicou a concelleira.

A Casa da Cultura de Porta acolle os días 26 e 27 de outubro unha sesión de motivación para a búsqueda de emprego “Muller e mercado laboral” dentro dos cursos de formación gratuíta dirixida a mulleres do medio rural “Adelante Rural”.

Os requisitos para poder participar é ter a tarxeta do paro en vigor e o DNI. O prazo de inscrición remata o vindeiro 20 de outubro no Concello de Portas (Educadora familiar). As prazas son limitadas e o horario das xornadas será de 10 a 14 horas.

Para máis información haise que dirixir ao Concello de Portas ou chamar ao teléfono 662 62 03 97.

O Auditorio da Azucreira de Portas serviu de escenario idóneo para que o público gozara cunha espectacular actuación musical do grupo “Ancestros” que chegou ata o noso municipio a través do programa “Cultura no Camiño 2021” da Xunta de Galicia.

“Ancestros” fixo gozar dunha tarde chea de música con influxo celta e nórdico, mesturado con fusións étnicas e tradicionais, que dan vida a unha identidade e son propios e que só se pode definir como: “Estilo devanceiros”.

Por uns instantes, conseguiron que os espectadores regresaran a unhas épocas esquecidas que xa só viaxan polo recordo. Música, cultura, tradición, baile e espectáculo déronse a man en Portas para facer gozar ao público dunha gran actuación musical.

O Concello de Portas está levando a cabo estes días un exhaustivo proceso de limpeza e desinfección dos contedores do servizo público de recollida de lixo co fin de evitar cheiros e implementar medidas sanitarias acordes coa loita e prevención da Covid-19.

Estes traballos de limpeza e desinfección están sendo levados a cabo por unha empresa especializada que extenderá a súa actuación por todo o termo municipal, con especial atención ás zonas rurais.

Estes labores non só consisten no  baldear os contedores, senón que se someten a un proceso de limpeza exhaustiva con produtos que axudan a eliminar bacterias e cheiros indesexables, así como elementos de prevención e loita contra a Covid-19.

Así mesmo, e ao mesmo tempo, os operarios municipais proceden a realizar labores de mantemento e reparación daqueles contedores que se atopan en mal estado e, se  estan moi deteriorados, procédese ás súas substitución por outros novos de recente adquisición por parte do Concello a través dunha subvención da Deputación de Pontevedra.

O alcalde de Portas, Ricardo Martínez, lembra que o municipio dispón dun dos servizos de recollida máis eficientes da provincia, comparable ás grandes cidades, e cun custo moi axustado, moi inferior ao desas urbes, e en sintonía cos municipios existentes na súa área de influencia, aínda así o rexedor recorda que “manter limpo o noso municipio é tarefa de todos e todas xa que é un deber cívico contribuír coa nosa colaboración como veciños e veciñas a que se ensucie o menos posible”, indicou o rexedor.

O Concello de Portas acaba de abrir unha nova convocatoria de axudas para o transporte escolar para o curso 2021-2022, para estudantes menores de 25 anos, empadroados no municipio de Portas e que cursen estudos de bacharelato, ciclos de formación profesional ou estudos universitarios.

Bases publicadas no Boletín Oficial da Provincia de Pontevedra n°181 do 20 de setembro de 2021.

REQUISITOS:

•          Estar empadroado/a no concello de Portas cun mínimo de seis meses de antigüidade.

•          cursar estudios en algún centro público de Galicia no curso 2020-2021 xa sexa de bacharelato, ciclo de formación profesional ou estudos universitarios.

•          Non superar os 25 anos.

•          Non superar a renda per capita familiar anual en 7.500€ (renda ano 2020).

CUANTÍAS:

Bacharelato ………………………………………………………………….. 150€

Ciclo formativo medio …………………………………………………….. 200€

Estudos universitarios e ciclos formativos superiores …………. 250€

O PRAZO DE PRESENTACION REMATA O 13 DE OUTUBRO DE 2021

Non se admitirán solicitude fóra de prazo.

As solicitudes estarán dispoñibles no rexistro xeral do concello e na sede electrónica do mesmo na paxina http://portas.sedelectronica.gal.

INFORMACION: nas oficinas do concello de Portas e no taboleiro de anuncios da sede electrónica do Concello de Portas http://portas.sedelectronica.gaL.

Baixo o lema Orixe, o festival PortAmérica aposta polo regreso ás súas raíces nunha novena edición que se celebrará os días 1 e 2 de outubro en Portas e para a que volve contar co patrocinio da Xunta no marco do Xacobeo 21-22. O acto de presentación contou coa participación da presidenta da Deputación de Pontevedra, Carmela Silva, o alcalde de Caldas de Reis, Juan Manuel Rey, o tenente de alcalde de Portas, Alfonso Vázquez, o director da Axencia Galega das Industrias Culturais (Agadic), Jacobo Sutil, a comisaria do Xacobeo 21-22, Cecilia Pereira, os representantes doutras das institucións colaboradoras e Kin Martínez, fundador e director de Esmerarte Industrias Creativas, empresa promotora do evento. O acto tivo lugar no auditorio da Azucreira de Portas, que este ano se estrea como nova sede para un PortAmérica nun formato máis íntimo e adaptado ás medidas sanitarias.

O representante da Consellería de Cultura, Educación e Universidade referendou o compromiso da Xunta co festival pontevedrés como exemplo de moitos dos valores que defende FEST Galicia na súa promoción da nosa Comunidade como destino musical seguro e de calidade. Neste sentido, PortAmérica caracterízase pola súa combinación de música, gastronomía e natureza para ofrecer unha experiencia integral de cultura e de ocio.

Recoñecemento do labor dos festivais

Lembrou, asemade, que a Xunta incrementou en 2021 o seu investimento nos festivais profesionais de música no marco do seu Plan de reactivación do sector cultural. Recoñécese, deste xeito, o esforzo dos equipos organizativos por sacar adiante os seus eventos a pesar dos condicionantes impostos pola pandemia, así como o seu carácter estratéxico tanto para o sector musical como para a economía e o turismo das comarcas que os acollen.

As dúas principais vías de apoio da Administración autonómica aos festivais profesionais de música suman este ano un orzamento de 840.000 euros. Dunha banda, a través da devandita marca FEST Galicia, que se reforzou cun investimento de 500.000 euros, un 25 % máis que en 2020, para patrocinar os 14 festivais adheridos.

Doutra, mediante convocatoria de subvencións a festivais de música, que se retomou este ano tras ser suspendida en 2020 ante a imposibilidade de levar a cabo os eventos nos seus formatos habituais. Esta liña de axudas distribúe outros 340.000 euros entre os 19 encontros beneficiarios.

Pola súa banda, a comisaria do Xacobeo 21-22 explicou que “para nós PORTAMERICA é un socio estratéxico na difusión da marca Xacobeo 21-22 porque constitúe unha magnífica ocasión para atraer visitantes ao noso territorio e proxectar unha imaxe dunha Galicia innovadora, dinámica, terra de grandes creadores e excelentes profesionais na xestión musical”, ademais de destacar que o novo emprazamento escollido, o Concello de Portas, segue mantendo a presenza do Camiño Portugués no seu ADN.

Concertos únicos e de pé

Para esta edición especial Orixe, Esmerarte reúne en PortAmérica gran parte dos artistas cos que traballa desde os seus inicios, ademais de homenaxear a antiga banda de Xoel López, Deluxe, e o grupo Le Punk, que volven xuntarse sobre o escenario na que será unha oportunidade única de gozar dos seus directos tras anos de inactividade.

Vetusta Morla, Xoel López coa súa formación actual, Novedades Carminha ou Carlos Sadness co seu proxecto Tropical Jesus son outros dos nomes destacados do cartel deste ano, que se completa con Jenny & The Mexicats, Ortiga, Eladio y los Seres Queridos, Pablo Lesuit, Furious Monkey House e La Duendeneta.

O recinto contará con oito sectores burbulla e os concertos celebraranse de pé, seguindo o protocolo sanitario que garantirá a distancia e resto de medidas de seguridade. Os abonos poranse á venda este xoves 23 a través da web www.portamerica.es.

Varios contedores de lixo recén incorporados ao sistema de recollida de residuos sólidos urbanos e adquiridos polo Concello de Portas foron subtraídos nos últimos días o que está a supoñer ademais dun prexuízo económico para o municipio, un problema importante para o servizo de recollida.

Este incidente foi posto en coñecemento da Garda Civil que iniciará as investigacións pertinentes para identificar aos autores da subtracción para que devolvan os contedores e sexan obxecto das medidas sancionadoras ás que haxa lugar.

O Concello de Portas expresa a súa máxima repulsa sobre esta práctica que nos últimos tempos se está a facer demasiado habitual e está a ocasionar graves prexuízos para os servizos municipiais que recibe a veciñanza e solicita a colaboración cidadá para dar cos autores do roubo.

Lembrar que a Deputación de Pontevedra, concedeu ao Concello de Portas, unha subvención de 12.888,15 euros a través do Plan Concellos 2018-2019 (anualidade 2019), para a adquisición de colectores de lixo. Este importe, é o resultante da aplicación das baixas doutros investimentos. En total, foron 75 unidades que se colocaron, na súa maioría nas parroquias de Briallos e Lantaño, lugares de onde desapareceron nos últimos días e que motivaron a denuncia interposta polo Concello de Portas ante os corpos e forzas de seguridade do Estado.

O Concello de Portas levará a cabo nos vindeiros días a remodelación total da pista polideportiva de Mondoiro (Lantaño) onde está previsto que se realice un investimento que ronda os 48.000 euros dos cales 33.764,49 euros serán asumidos pola Vicepresidencia Primeira da Xunta de Galicia a través do programa de financiamento de proxectos de creación, mellora e ampliación de servizos básicos locais que leva a cabo a Dirección Xeral da Administración Pública.

A empresa adxudicataria das obras será Covsa, que presentou unha oferta para executalas por importe de 47.993,83 euros, terá de prazo ata o 31 de outubro para telas realizadas.

O alcalde de Portas, Ricardo Martínez, e o tenente de alcalde, Alfonso Vázquez, en compañía da arquitecta municipal, inspeccionaron o estado da pista polideportiva antes de comezar as obras e puderon comprobar como as gradas do público precisan dunha actuación de conservación e mellora así como a dotación de senllas escaleiras de acceso e evacuación do lugar para facilitar tamén o uso das mesmas.

A actuación contempla o peche perimetral do recinto deportivo, o formigonado da pista polideportiva, o pintado das delimitacións do terreo de xogo, porterías, canastras e a instalación de focos de iluminación para garantir o seu uso nos días de menor luminosidade, sobre todo nos meses de inverno.

A pista polideportiva de Mondoiro atópase ubicada nun espazo lúdico e de convivencia veciñal e de dotación de servizos a veciñanza presidida pola Escola Infantil Unitaria de Lantaño e o outras instalacións deportivas existentes no entorno como o campo de fútbol.

 

Convocatoria das AXUDAS MUNtCIPAIS PARA O APOIO AO ESTUDO CURSO 2021-2022, para estudantes de 3 a 16 anos, empadroados no Concello de Portas e que cursen estudos de educación infantil, educación ·primaria e secundaria nos centros púbticos do concello. Boletln Oficial da Provincia de Pontevedra n°178

REQUISITOS

• A unidade familiar deberá estar empadroada e ter residencia efectiva no Concello de Portas e convivir na unidade familiar os alumnos/as para quen se solicita a axuda.

• Estar matriculado ou ter reserva de matrícula para o curso 2021-2022 nos centros públicos do Concello.

• Que a unidade familiflr non supere os limites económicos establecidos no punto 4° das bases.

GASTOS SUBVENCIONABLES

Serán gasto subvencionables os dos libros, vestiario básico e/ou material informático. o equipamento deportivo (botas de fútbol, equipamento de fútbol … ) e aquel destinado para actividades extraescolares non é obxecto de esta convocatoria.

CONTÍAS DAS AXUDAS:

EDUCACIÓN INFANTIL: Máximo 100 euros.

EDUCACIÓN PRIMARIA E SECUNDARIA: Máximo 80 euros.

PRAZO: Ata o QS de Outubro de 2021 . Non se admitirán solicitudes fóra de prazo.

INFORMACIÓN: nas oficinas do concello de Portas e no taboleiro de anuncios da sede electrónica do Concello de Portas http://portas.sedelectronica.gal.

Máis información no Tlf. 9816161. Extensión 1

Portas tendrá servicios bancarios de Abanca os martes e xoves de 8:15 a 14:15 horas segundo lle confirmaron ao alcalde, Ricardo Martínez, nunha xuntanza mantida esta mañá no Consistorio con responsables territoriais da entidade bancaria.

O alcalde comunicou de inmediato aos voceiros dos distintos grupos municipais a nova medida de Abanca que suporá o mantemento da operativa da oficina en Portas.

A Corporación Municipal acolle con cautela esta nova decisión empresarial de Abanca e agarda que sirva non so para conservar os servizos bancarios no noso municipio senón para consolidalos no tempo e con novas operativas en función das necesidades da veciñanza e do tecido empresarial do municipio.

A Corporación Municipal seguirá atenta e informando á veciñanza da evolución que esta nova decisión suporá para os usuarios de Abanca en Portas e os veciños en xeral.