RICARDO MARTÍNEZ RECIBE O APOIO MAIORITARIO DA CORPORACIÓN MUNICIPAL DE PORTAS PARA REPETIR COMO ALCALDE DE PORTAS

A Corporación Municipal de Portas constituise esta mañá con total normalidade e procedeu á elección de alcalde que recaiu novamente en Ricardo Martínez Chantada renovando así a confianza maioritaria dos concelleiros e concelleiras que forman a Corporación Municipal.

Ricardo Martínez logrou o apoio dos sete concelleiros do PPdeG o que lle permite renovar o seu mandato por outros catro anos máis. Martínez accedeu como concelleiro á Corporación Municipal de Portas no ano 2015 e foi elixido alcalde por primeira vez no ano 2019. Agora revalida o seu mandato ampliando o respaldo electoral en canto a sufraxios e tamén en canto ao número de concelleiros, con un total de 7. O BNG dispón de 2 edis e o PSdeG-PSOE ten outros dous concelleiros.

O MÚSICO E CANTANTE GALEGO ROI CASAL ESTARÁ NA AZUCREIRA DE PORTAS O VINDEIRO 20 DE MAIO ÁS 20 HORAS CUN CONCERTO COS SEUS ÚLTIMOS ÉXITOS

O músico e cantante galego Roi Casal actuará no Auditorio da Azucreira de Portas o vindeiro sábado 20 de maio, a partir das 20 horas, nun concerto promovido polo Concello de Portas e coa colaboración da Deputación a través do Plan Musigal.

Roi Casal aínda que é moi novo atesoura unha gran experiencia musical que vai desde o seu paso polo mítico grupo folck galego Milladoiro ata a súa última incursión polos ritmos caribeños co seu espectáculo “Son galego son cubano”, en colaboración e homenaxe ao escritor galego afincado en Cuba, Xosé Neira Vilas, xa falecido.

Roi Casal fará un percorrido en Portas polos seus éxitos e tamén amosará novos temas que forman parte do seu espectáculo.

A VECIÑANZA DE LANTAÑO HONROU A SAN PEDRO MÁRTIR CUNHA CONCURRIDA PROCESIÓN ENTRE OS CRUCEIROS DO CULEBRÓN E PAREDES

Os veciños e veciñas de Lantaño (Portas) honraron a San Pedro Mártir cunha concurrida procesión entre os cruceiros do Culebrón e de Paredes, á que acudiron o alcalde, Ricardo Martínez, e varios membros do equipo de goberno, así como a Banda de Música Unión de Lantaño.

A procesión partiu desde a Capela de San Pedro Mártir, unha vez rematada a misa solemne, e os veciños foron ocupando os seus postos nas ringleiras para acompañar ás imaxes no percorrido desde o cruceiro do Culebrón ata o de Paredes onde os devotos deron a volta acompañados pola Banda de Música Unión de Lantaño ata concluir de novo fronte ao templo relixioso.

A continuación a Banda de Música Unión de Lantaño amenizou a xornada cun concerto mentras se procedía a repartir entre os asistentes un aperitivo que foi compartido polos numerosos veciños da parroquia que se deron cita neste lugar.

UNHA CAPELA MUNICIPAL

Esta celebración se enmarca dentro do acordo de doazón da capela de San Pedro Mártir ao Concello de Portas feita polos señores Gándara Gómez e Remedios Junquera Gómez, herdeiros da familia Buceta Quintáns, mediante o cal o templo pasaba á propiedade municipal estando obrigado a administración local a promover un acto destas características na honra de San Pedro Mártir.

ÉXITO TOTAL DO CONCERTO DE ÓSCAR IBÁÑEZ NA AZUCREIRA DE PORTAS, QUE MARCOU O INICIO DA SÚA XIRA MÁIS INTERNACIONAL

O público disfrutou ao máximo co concerto do gaiteiro e frautista galego Óscar Ibáñez celebrado na Azucreira de Portas, unha actuación que serve para dar a saída oficial á xira máis internacional deste artista que soubo gañarse o aplauso e a admiración dos asistentes ao espectáculo.

Óscar Ibáñez actuou coa súa banda en directo “Tribo” e incorporou ao seu espectáculo a varios músicos locais que participaron con ilusión compartindo varias pezas especialmente adaptadas para este concerto.

Co seu espectáculo “Da Terra”, Óscar Ibáñez repasou algún dos temas máis destacados dos seus discos “Alén do mar” e “Aires de Pontevedra” entre o aplauso do público.

UNHA OFRENDA FLORAL E A INTERPRETACIÓN DO HIMNO GALEGO SERVIRON DE HOMENAXE DE PORTAS A DOMINGO FONTÁN NO 235 ANIVERSARIO DO SEU NACEMENTO

Unha ofrenda floral e a interpretación do himno de Galicia serviron de homenaxe ao matemático e cartógrafo Domingo Fontán no 235º aniversario do seu nacemento. O acto reivindicativo da figura do insigne ilustrado foi promovido pola Asociación Cultural e Deportiva Domingo Fontán, que preside Concha Méndez, e o Concello de Portas.

O evento comezou pasadas ás 12 do mediodía coa congregación de público e autoridades que foron recibidos polo alcalde, Ricardo Martínez, a concelleira de Cultura, Ana Peña, e membros do equipo de Goberno Municipal na Casa de Cultura Domingo Fontán, en Porta do Conde.

A encargada de ler o pregón foi Rebeca López Méndez, filla da presidenta da Asociación Cultural e Deportiva Domingo Fontán, quen fixo unha excelente intervención tomando como referencia a súa experiencia persoal dos últimos 20 anos e todo o que significa para Portas a figura deste insigne erudito.

Rebeca López aproveito a figura de Domingo Fontán para ensalzar a cultura do esforzo, a tenacidade e a constancia como exemplo para as novas xeracións. Ademais renovou públicamente o seu compromiso de “descubrir, divulgar e honrar a figura de Fontán” e o seu compromiso coa “disciplina, a autoesixencia e a ética nos proxectos que emprendeu como valores básicos que hai que reivindicar fronte á fama efímera das redes sociais e o postureo dos influencers”.

López, que tamén tivo palabras de eloxio para a dona de Domingo Fontán, unha muller forte que soubo sacar adiante ela soa á súa familia nas grandes ausencias do matemático, “soubo vivir coa soidade e superar o feito de ser, prácticamente, unha viuva en vida”.

“Ninguén é pequeño loitando por un ideal”, dixo Rebeca López e parafraseou ao premio Nóbel Camilo José Cela para referirse a Galicia decindo “probemos os galegos a sumar e non a restar. Galicia non será grande ata que todos os galegos de común acordo a engrandezamos. Pesemos nunha Galicia grande, visible e que avance”, concluiu Rebeca López.

A continuación, Rebeca López, representantes da Asociación Cultural e Deportiva Domingo Fontán, o alcalde de Portas, Ricardo Martínez, así como membros da Corporación Municipal, emprenderon a marcha desde a Casa da Cultura ata o monumento dedicado a Domingo Fontán para depositar unha coroa de flores diante da efíxe pétrea ao insigne cartógrafo e matemático. A ese acto sumouse a presidenta da Asociación, Concha Méndez, quen foi a encargada de facer a ofrenda floral xunto a súa filla e ao alcalde.

Finalmente, o Grupo de Gaitas Domingo Fontán de Portas interpretou o himno de Galicia na honra do insigne ilustrado para dar por concluída a homenaxe tributada polo pobo de Portas que mantén vivo na súa memoria ao matemático, político e cartógrafo.

XOGUETES, ROUPA, DECORACIÓN E LIBROS COPARON O “MERCADO DAS PULGAS” NA AZUCREIRA DE PORTAS

Xoguetes, roupa, decoración e libros foron os principais artigos que se puxeron á venda nos 25 postos que participaron nesta edición do Mercado das Pulgas en Portas instalado este domingo 23 de abril na Azucreira, na Avda. da Estación.

Este mercadillo de segunda man achega todo tipo de artigos e produtos para que o público poida mercalos e darlles outra oportunidade. Asimismo tamén é un espazo que pon a disposición dos emprendedores o Concello de Portas para que poidan expoñer os seus produtos e favorecer o intercambio económico e a economía circular. Esta actividade estivo organizada por “Portas sostible” e o Concello de Portas.

O GAITEIRO ÓSCAR IBÁÑEZ INICIA ESTE DOMINGO NO AUDITORIO DA AZUCREIRA DE PORTAS A SÚA XIRA MÁIS INTERNACIONAL

O gaiteiro e frautista galego Óscar Ibáñez iniciará este domingo 23 de abril cun concerto no Auditorio da Azucreira de Portas a súa xira máis internacional que o levará a estar presente en importantes festivais folk de Alemaña, Francia, Portugal e España, onde actuará en Galicia, Cantabria, Aragón e León, entre outros.

Neste concerto que comezará ás 19:30 horas e está promovido pola Xunta de Galicia e o Concello de Portas, representará coa súa banda de directo Óscar Ibáñez & Tribo, o seu espectáculo “Da Terra”, no que o afamado artista galego repasará algúns dos temas máis destacados dos seus discos “Alén do mar” e “Aires de Pontevedra” xunto con temas novos, que formarán parte do próximo traballo discográfico que está a preparar.

“Da Terra” supón unha espectacular e enérxica viaxe sonora pola música tradicional galega chea de orixinalidade, imaxinación e creatividade, que ten coma resultado unha mestizaxe atlántica moderna e innovadora.

En Portas presenta tamén a súa renovada “Tribo”, que este ano está integrada por importantes músicos de longa e recoñecida traxectoria, que formaron parte das bandas dalgúns dos artistas e grupos máis destacados da música folk galega, como Suso Iglesias (Xabier Díaz, Nova Galega de Danza), acordeón; Paula Gómez (Triguiñuelas), violín; Xosé Liz (Riobó, Son de Seu), bouzouki; Paco Dicenta (Mercedes Peón), baixo; Carlos Castro (Budiño, Uxía), batería e percusión. Completan o elenco artístico a xilofonista e percusionista de marín Carla Villanueva e cinco gaiteiros da Banda de Gaitas Suevia de Porto do Son, que dirixe o mestre gaiteiro Xosé Romero Miguéns, da saga familiar do célebre grupo Os Rosales de Asados, Rianxo.

PORTAS RENDIRÁ HOMENAXE AO CARTÓGRAFO E MATEMÁTICO DOMINGO FONTÁN NO 235 ANIVERSARIO DO SEU NACEMENTO CUNHA OFRENDA FLORAL DIANTE DO SEU MONUMENTO

A Asociación Cultural e Deportiva Domingo Fontán e o Concello de Portas homenaxearán este domingo 23 de abril, a partir das 12 do mediodía, á figura do matemático, cartógrafo e ilustrado nado hai 235 anos en Porta do Conde cunha serie de actos entre os que destacan unha ofrenda floral diante do seu monumento.

O evento dará comezo ás 12 do mediodía coa congregación de público e autoridades que presenciarán o pregón que correrá a cargo, nesta ocasión, de Rebeca López, filla de Concha Méndez, presidenta da Asociación Cultural e Deportiva Domingo Fontán.

A continuación, representantes da Asociación Cultural e Deportiva Domingo Fontán e o alcalde de Portas, Ricardo Martínez, así como membros da Corporación Municipal, depositarán unha ofrenda floral diante do monumento ao insigne cartógrafo e matemático por mor do 235 aniversario do seu nacemento.

Despois das intervencións protocolarias en lembranza do ilustrado galego, interpretará o himno galego o Grupo de Gaitas Domingo Fontán de Portas que dará por rematado o acto de homenaxe a este insigne fillo do concello de Portas.

Pola súa banda, o alcalde de Portas, Ricardo Martínez, animou á veciñanza a participar neste acto de homenaxe e memoria colectiva de todo un pobo á figura de Domingo Fontán, un home que naceu aquí, que reivindicou o seu berce e que supuxo para Galicia e para España un referente en materia cartográfica e intelectual do seu momento. “Lembramos con orgullo como desde lugares tan modestos como o noso se pode aportar ao mundo xenios e intelectuais da talla de Domingo Fontán o cal debe de ser un exemplo para as novas xeracións, as mellor formadas da nosa historia, para que emprendan o camiño da innovación, a investigación e o estudio como medio de aportar grandes cousas á nosa sociedade. Nestas datas homenaxeamos e recordamos a Domingo Fontán e seguro que os que veñan detrás de nós tamén o seguirán facendo pola importancia que o seu labor tivo no seu momento para o coñecemento de Galicia e para España enteira”, indicou o alcalde de Portas.

O “MERCADO DAS PULGAS” ESTARÁ DE NOVO NA AZUCREIRA DE PORTAS O VINDEIRO DOMINGO 23 DE ABRIL

Portas Sostible e o Concello de Portas volven organizar para este domingo 23 de abril o tradicional “Mercado das Pulgas” que estará instalado na Azucreira, na Avda. da Estación, e onde poderán participar de xeito gratuíto todo tipo de postos de artesanía, artigos de segunda man, etc.

Este mercadillo de segunda man achega todo tipo de artigos e produtos para que o público poida mercalos e darlles outra oportunidade. Asimismo tamén é un espazo que pon a disposición dos emprendedores o Concello de Portas para que poidan expoñer os seus produtos e favorecer o intercambio económico e a economía circular.

Esta actividade está organizada por “Portas sostible” e o Concello de Portas e pode participar de xeito gratuíto quen queira cun stand previa solicitude chamando ao teléfono 986 53 69 25.

Outra das novidades que haberá nesta edición do “Mercado das Pulgas” é a incorporación dun pulpeiro coa intención de que aquelas persoas que se animen a dar unha volta polos postos poidan tamén degustar un dos produtos gastronómicos máis tradicionais e habituais dos eventos de intercambio comercial destas características.

Con esta iniciativa, o Concello de Portas pretende tamén dinamizar o tecido económico do municipio e darlle unha nova oportunidade a artigos e produtos vencellados ao mercado de segunda man e que no “Mercado das Pulgas” teñen un espazo e un escenario ideal para poder levalo a cabo.

O GAITEIRO ÓSCAR IBÁÑEZ INICIA CUN CONCERTO NA AZUCREIRA DE PORTAS A SÚA XIRA MÁIS INTERNACIONAL

O Auditorio da Azucreira de Portas será o vindeiro domingo 23 de abril a partir das 19:30 horas o escenario que acolla o primeiro concerto da xira máis internacional protagonizada polo gaiteiro e frautista pontevedrés Óscar Ibáñez que o levará a estar presente en importantes festivais folk de Alemaña, Francia, Portugal e España, onde actuará en Galicia, Cantabria, Aragón e León, entre outros.

Neste concerto, promovido pola Xunta de Galicia e o Concello de Portas, representará coa súa banda de directo Óscar Ibáñez & Tribo, o seu espectáculo “Da Terra”, no que o afamado artista galego repasa algúns dos temas máis destacados dos seus discos “Alén do mar” e “Aires de Pontevedra” xunto con temas novos, que formarán parte do próximo traballo discográfico que está a preparar.

“Da Terra” supón unha espectacular e enérxica viaxe sonora pola música tradicional galega chea de orixinalidade, imaxinación e creatividade, que ten coma resultado unha mestizaxe atlántica moderna e innovadora.

En Portas presenta tamén a súa renovada “Tribo”, que este ano está integrada por importantes músicos de longa e recoñecida traxectoria, que formaron parte das bandas dalgúns dos artistas e grupos máis destacados da música folk galega, como Suso Iglesias (Xabier Díaz, Nova Galega de Danza), acordeón; Paula Gómez (Triguiñuelas), violín; Xosé Liz (Riobó, Son de Seu), bouzouki; Paco Dicenta (Mercedes Peón), baixo; Carlos Castro (Budiño, Uxía), batería e percusión. Completan o elenco artístico a xilofonista e percusionista de marín Carla Villanueva e cinco gaiteiros da Banda de Gaitas Suevia de Porto do Son, que dirixe o mestre gaiteiro Xosé Romero Miguéns, da saga familiar do célebre grupo Os Rosales de Asados, Rianxo.

Pola súa banda, o alcalde Ricardo Martínez, salientou a calidade musical e punto de inicio desa xira internacional que protagonizará o artista galego e que “seguro acadará os maiores éxitos e aplausos do público. Para nós é un orgullo e un privilexio poder contar coa súa actuación na Azucreira e estamos convencidos de que o seu espectáculo “Da Terra” causará unha gran sensación entre o público asistente”.