Operarios do Concello de Portas deixaron resolta a avaría producida nunha tubaxe de abastecemento de auga ao complexo da Azucreira que provocou a rotura de dous tabiques e o anegamento do almacén onde se gardaban os pellets para a caldeira da calefacción.

Desde primeira hora da mañá, en que foi detectada a avaría, operarios do Concello coordinados polo propio alcalde Ricardo Martínez, lograron deter o avance da auga polo complexo da Azucreira e arbitraron solucións paliativas para que os usuarios dos distintos espazos dispuxeran de subministro agás a Galiña Azul que foi o espazo que resultou máis afectado polo corte de auga aínda que agora xa está restablecido.

Tamén se levaron a cabo labores de limpeza e retirada da auga que afectaba a varios espazos do complexo. Os maiores danos producíronse ao rebentar dous tabiques dun habitáculo que exercía as funcións de almacén para albergar os pellets que se utilizan para a nova caldeira de calefacción que dá servizo a todas as estancias da Azucreira.

RICARDO MARTÍNEZ AGRADECEU OS ESFORZOS DOS OPERARIOS

Ricardo Martínez lamentou os inconvintes que esta avaría puidera ocasionar aos usuarios da Galiña Azul, as únicas dependencias que quedaron sen auga, agora xa restablecida, e agradeceu os esforzos do persoal municipal que levaron a cabo as labores de subsanación do problema.

“Pese á gravidade da avaría, en tempo récord quedou todo solucionado, incluída a Escola Infantil da Galiña Azul que conta xa con subministro de auga. Foi necesario facer un corte que afectou a estas dependencias para poder acometer a avaría, pero xa está todo resolto grazas á dilixencia e profesionalidade dos operarios municipais que estiveron ao pé do canón desde o primeiro momento. Pedimos disculpas polos problemas que se poideran ocasionar mentras non se puido recuperar a normalidade que se restableceu en tempo récord dada as dimensións da avaría presentada”, sinalou o alcalde Ricardo Martínez.

GALICIA SABE AMAR é unha campaña da Xunta de Galicia que nace no verán de 2021 para animar á cidadanía a través da retranca galega e os dobres sentidos a consumir produtos do mar, impulsar a súa venda e poñer en valor o labor dos profesionais da pesca e do marisqueo.

Este 2023 a iniciativa sóbese ás catro rodas a través de catro foodtrucks que levarán o sabor das rías galegas por máis de 250 municipios de toda España vinculados ao Camiño de Santiago. En cada parada os visitantes poderán degustar algún dos 10 petiscos pensados para a campaña e realizados a base de produtos certificados do mar e da terra.

Este sábado, 23 de setembro, estarán en Portas no campo de fútbol da Rapeira no seguinte horario:

12:00h-15:00

18:00-21:00

O alcalde de Portas, Ricardo Martínez, denuncia graves danos producidos por actos vandálicos nos tellados das escolas unitarias de Lantaño e Romai a escasas horas do comezo do curso escolar. Os operarios terán que actuar sobre as cubertas destes edificios para retirar as tellas rotas, recolocar as que están movidas e repoñer os sistemas de suxeción para garantir a súa seguridade.

Uns descoñecidos arroxaron esta semana palés de madeira que causaron graves destrozos nos tellados, con rotura de tellas e o desprazamento de zonas da cuberta que poñen en serio risco a estas instalacións municipais.

Ricardo Martínez considera un grave atentado contra o patrimonio público estas accións realizadas por desaprensivos a escasas horas de dar comezo ao novo curso escolar e nuns edificios que dan cobertura e servizo aos nenos e nenas de Lantaño e Romai, que son os que fan uso destas instalacións.

Operarios municipais procederán a partir deste luns a reparar os desperfectos causados nas cubertas así como a correxir o corrimento das tellas existentes que deixaron nun estado de deterioro importante o tellado destas instalacións educativas.

Os traballos levaranse a cabo coa máxima preocupación e tomando as máximas medidas de seguridade para garantir que os cativos poidan acudir ao centro educativo e non causar ningún percance ás familias á hora de conciliar a vida laboral coa familiar. Nestes momentos hai matriculados uns 18 nenos e nenas entre as dúas escolas unitarias que prestan un gran servizo educativo e social á veciñanza.

O rexedor cualificou o feito de grave e sinalou que “é unha broma de mal gusto atentar precisamente contra unhas instalacións que van ser utilizadas por nenas e nenos moi cativos e que prestan un servizo moi importante desde o punto de vista da facilitación da vida familiar e laboral así como a primeira escala na formación dos nosos nenos e nenas polo que deberían de ter un mínimo de respecto”.

O alcalde solicitou a colaboración veciñal para identificar aos autores destes feitos tan lamentables para poñelos en coñecemento da autoridade e que responsan dos seus actos.

A Excma. Deputación de Pontevedra concedeu ao Concello de Portas ao amparo do financiamiento das Axudas básicas de Emerxencia 2023 unha achega de 7.000 euros en concepto de “Gasto Corrente” e 2.300 euros en concepto de “Investimento”.

O concello de Portas, a través da Aula Universitaria da UNED acolle o “VII Campus Inglés na Contorna” que se desenrolará ata o 21 de xullo e no que participará unha trintena de alumnos e alumnas que recibirán de xeito intensivo unha inmersión lingüística harmonizada con actividades lúdicas orientadas a dar visibilidade á “Axenda 2030 para o Desenrolo Sostenible e os seus 17 Obxectivos de Desenrolo Sostenible (ODS)”.

Estes mozos e mozas aprenderán a dominar técnicas de comprensión e comunicación en inglés de tal xeito de que se perda o medo para falar nun idioma extranxeiro. O alumno gañará en confianza para desenvolverse dunha maneira natural e descubrirá dun xeito lúdico e divertido a súa contorna máis próxima, utilizando o inglés como ferramenta de comunicación durante toda a actividade.

Outro dos obxectivos deste campus intensivo será ampliar as relacións sociais e humanas, coñecer as bases de traballo en equipo e a responsabilidade individual nas tarefas comúns nun ambiente enriquecedor.

Tamén se pretende facilitar, a través das distintas actividades deportivas e culturais, un amplo caudal de posibilidades enriquecedoras para a súa personalidade, gozar de novas formas e boa utilización do tempo de lecer a través da práctica de actividades físicas saudables e a utilización de xeito habitual das tecnoloxías da información e da comunicación.

O alcalde, Ricardo Martínez, amosou a súa satisfación porque o concello de Portas volva acoller este tipo de campus formativo e lúdico “o que dá boa idea da aposta da UNED polo noso municipio que se está a converter en punto de referencia de todo tipo de actividades como se está a demostrar durante este verán”, indicou o rexedor.

Este mediodía tivo lugar a presentación oficial da nova edición de PortAmérica na que estiveron o alcalde de Portas, Ricardo Martínez, o presidente da Deputación de Pontevedra, Luís López, que asistía ao seu primeiro acto oficial desempeñando ese cargo, o director de Turismo de Galicia, Xosé Manuel Merelles, Juan Martínez Inchausti, de patrocinios musicais Estrela Galicia; Pepe Solla, chef e comisario do Showrocking; e Kin Martínez e Carlos Rodríguez, directores de Esmerarte Industrias Creativas e PortAmérica.

O alcalde de Portas, Ricardo Martínez, deulles a benvida a todos e agradeceu que a organización de PortAmérica volvera a elixir este municipio para celebrar un dos mellores e máis importantes festivais de música no só de Galicia senón de España. Martínez salientou a importancia que este festival ten para a promoción exterior da imaxe de Portas desde un punto de vista turístico e de dinamización da economía local.

O 90% das entradas xa se atopan vendidas e a ocupación hostaleira na comarca atópase ao 100% para os días do Festival, entre o 13 e o 15 de xullo, segundo a organización. Tamén están practicamente esgotadas as entradas para a zona de acampada e o aparcadoiro de autocaravanas e furgonetas xa colga o cartel de completo.

A organización lembra que o Festival xera 250 empregos directos e máis de 600 indirectos. As estimacións establecen o gasto medio por visitante sobre os 400 euros, cun prezo medio dos abonos do PortAmérica de 70 euros. Tamén lembran que máis de 15.000 persoas diarias pasarán por Portas para asistir aos concertos e ás actividades de PortAmérica.

O inicio desta edición contarán con propostas musicais para todas as idades e para distintos estilos musicais co foco establecido na viaxe de ida e volta Europa – América Latina.

Sebastián Yatra, Nicki Nicole, Loquillo, Deluxe, Bad Gyal, Jorge Drexler, A M.Ou.D.A ou M-Clan soarán ao ritmo das cociñas do multipremiado ShowRocking, unha iniciativa gastronómica onde máis de 35 chefs de alto nivel e 14 Estrelas Michelin, como Anxo León, Martina Puig Vert, Maca de Castro ou Javi Oleiros, baixo a dirección de Pepe Solla, ofrecerán unha degustación de máis de 20.000 petiscos a prezos populares creados expresamente para o PortAmérica. O toque doce figura na selección de Pastelería, da man dalgúns dos mellores profesionais reposteiros. Ademais están previstas actuacións sorpresa.

O Concello de Portas quere por en marcha un novo programa: Cóidome. Un programa de intervención e prevención da violencia de xénero e promoción da igualdade de oportunidades. Consta de dúas liñas de traballo: unha centrada nos autocoidados persoais e outra na defensa persoal feminina (pilates, yoga, risoterapia, etc.)

• A metodoloxía será activa  realizando diversas dinámicas, activas  e participativas.
• Poboación: mulleres maiores de idade do Concello de Portas
• Horario: Martes e Xoves de 10:30-11:30
• Lugar: Casa de Cultura/ Pavillón
• Prazo de inscrición: 3 de xullo ao 13 de xullo.
• Teléfono: 662 620 397 (Rosa)