O Concello de Portas foi beneficiario da convocatoria de subvencións ás entidades locais da Comunidade Autónoma de Galicia para a prestación de servizos no marco da Rede galega de atención temperá nos anos 2024 a 2026, cofinanciada pola Unión Europea polo Programa FSE+ Galicia 2021-2027”
O obxectivo principal destas axudas é promover a autonomía persoal de menores de 0 a 6 anos con trastornos no seu desenvolvemento.
Ao abeiro das medidas sinaladas no Pacto de Estado contra a Violencia de Xénero, financiado con cargo aos créditos recibidos do Ministerio de Igualdade, Secretaría do Estado de Igualdade e contra a Violencia de Xénero, o luns 10 de marzo, con movo do Día Internacional da Muller, o alumnado infantil do Colexio C.P.I. Domingo Fontán e das Escolas Infantís de Lantaño e Romai desfrutaron do espectáculo “A miña Tataravoa Maruxa”, na que unha nena chamada Lola embárcase nunha viaxe temporal a partir dun cofre que atopa no faiado da súa casa. A través dos obxectos encontrados que pertenceron a mulleres pioneiras galegas (Exeria; Irene González, Áurea Rodríguez e Ángeles Alvariño) descubrirá a historia da súa tataravoa.
Esta obra promove valores de igualdade e cooperación, e grazas a todas estas mulleres, Lola descubrirá que a súa tataravoa tamén foi unha muller pioneira e que ela, e todas as nenas poden ser o que queiran.
Con motivo do 8 de Marzo, Día Internacional da Muller, o Concello de Portas en colaboración co Colexio C.P.I. Domingo Fontán e coas Escolas Infantis de Lantaño e Romai, levará a cabo unha actividade dirixida ao alumnado de infantil coa finalidade de promover valores de igualdade e cooperación, ao abeiro das medidas sinaladas no Pacto de Estado contra a Violencia de Xénero, financiado con cargo aos créditos recibidos do Ministerio de Igualdade, Secretaría do Estado de Igualdade e contra a Violencia de Xénero.
O alcalde de Portas, Ricardo Martínez, e a directora do Obradoiro de Emprego Xuvenil dos concellos de Moraña, Portas e Valga, María del Carmen Vidal, visitaron aos oito alumnos e ao experto docente que están levando a cabo o acondicionamento interior dunha vivenda municipal na Estación de Portas dentro do proceso formativo do módulo de albanelería.
Esta actuación, cando as condicións metereolóxicas o permiten, esta sendo combinada coa de mellora do peche do Campo de Fútbol Municipal da Rapeira, no cal se están levando a cabo limpezas e pintado interior como exterior.
As primeiras actuacións destes 8 alumnos centráronse en demolicións de alicatado, de tabique, retirada de sanitarios e levantamento de retirada de mobiliario de cociña e existente nas outras dependencias da vivenda. Están realizando tamén o levantamento de tabique novo para unha distribución dun baño accesible con armazón para porta corredoira.
SANEAMENTO DE PAREDES, ELECTRICIDADE E FONTANERÍA
Asemade os alumnos realizan o saneamento das paredes das demais dependencias da vivienda, alisando a pintura existente e preparandoa para a realización de instalacións de electricidade e fontanería. Tamén están ampliando todas as portas da vivienda tanto a exterior como as interiores dándolle así accesibilidade á mesma.
O alcalde de Portas, Ricardo Martinez, valorou moi positivamente os resultados da posta en marcha deste Obradoiro de Emprego Xuvenil dos concellos de Moraña, Portas e Valga e salientou o alto grao de autonomía que presentan os alumnos unha vez pasada unha formación inicial teórica e de prácticas.
O Obradoiro deu comezo o pasado 14 de outubro e ten unha duración de un ano e participan 16 mozos e mozas desempregados de ata 30 anos de idade. Esta convocatoria está cofinanciada pola Unión Europea nunha porcentaxe do 60 %, a través do Programa FSE+ Galicia 2021-2027.
O Concello de Portas e a Axencia de Turismo de Galicia asinaron un convenio por importe de 50.000 euros mediante o cal se destinarán estes cartos á adquisición de terreos na Azucreira destinados a desenvolver actividades de índole turística e cultural ao aire libre.
O Concello de Portas manifestou a necesidade extraordinaria de asistencia por parte da Xunta de Galicia no seu afán de contar cunha superficie máis ampla na que desenvolver as actividades culturais, de lecer e ocio ao aire libre que se veñen desenvolvendo ao longo do ano, polo que ve necesario a adquisición de terreos na parroquia de Portas, para dotar deses servicios á poboación do municipio.
Nesa parcela desenvólvense na actualidade numerosas actividades (escola infantil, centro de día, auditorio e salas de exposición no edificio da Azucreira, ademais de contar un edificio destinado a piscina municipal, unhas pistas de pádel e un xardín), as cales, contan cos seus espazos abertos ou cerrados diferenciados, deixando pouco terreo libre para desenvolver outro tipos de actividades recreativas, culturais ou de lecer.
Nos últimos anos, estanse a desenvolver numerosos espectáculos públicos e actividades recreativas e culturais, que fomentan o turismo e atraen a un amplo número de visitantes a esta pequena localidade. Estas actuacións precisan dun maior espazo libre para o seu correcto funcionamento, motivo polo cal, o Concello se ve na necesidade de adquirir a parcela colindante, ao ser a única que non se atopa edificada, e que presenta unha superficie suficiente para acoller este tipo de instalacións.
O vindeiro luns 25 de novembro, o Concello de Portas, en colaboración co CEIP Domingo Fontán , organiza varias actividades dirixidas ao alumnado de primaria e de secundaria, coa finalidade de conmemorar o Día Internacional contra a Violencia de Xénero.
Estas accións realízanse ao abeiro das medidas sinaladas no Pacto de Estado contra a Violencia de Xénero, financiado polo Ministerio de Igualdade, Secretaría do Estado de Igualdade e contra a Violencia de Xénero, e teñen como obxectivo sensibilizar ás novas xeracións e fomentar unha sociedade libre de violencia.
O delegado territorial da Xunta en Pontevedra, Agustín Reguera, visitou o concello de Portas, que acaba de adquirir un novo vehículo da frota municipal grazas ao Fondo de Compensación Ambiental.
En total, o concello de Portas contou cunha achega de preto de 30.000 euros. Esta liña de axudas contou cun orzamento de máis de 400.000 euros na área territorial de Pontevedra dos que se beneficiaron 13 concellos.
Na comarca de Caldas, ademais de Portas, beneficiáronse do Fondo o concello de Valga e o de Caldas de Reis, ambos por valor de 30.000 euros.
O delegado territorial aproveitou a visita para poñer en valor a importancia da coordinación entre institucións” e lembrou que son “os alcaldes e alcaldesas os que mellor coñecen as necesidades dos seus veciños”.
O Concello de Portas, en colaboración co Colexio C.P.I. Domingo Fontán, organiza varias actividades dirixidas ao alumnado de primaria e de secundaria, coa finalidade de conmemorar o 25N, Día Internacional contra a violencia de xénero.
Estas actividades realízanse ao abeiro das medidas sinaladas no Pacto de Estado contra a Violencia de Xénero, financiado con cargo aos créditos recibidos do Ministerio de Igualdade, Secretaría do Estado de Igualdade e contra a violencia de xénero.
A Xunta de Goberno da Deputación de Pontevedra acaba de aprobar o reparto de algo máis de 50.000 euros entre 23 concellos da provincia ao abeiro do programa O teu espazo xuvenil. Esta iniciativa, destinada a concellos de menos de 20.000 habitantes, tiña por obxectivo financiar o equipamento de locais municipais destinados á mocidade. Dentro desta liña de axudas, concedeulle ao Concello de Portas 2.160 euros que serán investidos na adquisición de altofalantes e micrófonos.
Desta maneira, tal e como avanzou o presidente da Deputación, Luís López, os concellos recibirán axudas que oscilan entre os 1.500 e os máis de 4.000 euros que servirán para financiar ata o 80% do orzamento dos seus respectivos proxectos que mobilizarán, en total, máis de 70.000 euros. Con estes recursos provinciais, os concellos poderán adquirir equipamentos e outros materiais inventariables para mellorar as dotacións do espazos xuvenís municipais.
A Xunta colabora co Concello de Portas na rehabilitación do edificio da Escola de Música, na que se investirán máis de 585.000€. A conselleira de Vivenda e Planificación de Infraestruturas, María Martínez Allegue, asinou hoxe co alcalde deste municipio, Ricardo Martínez, o convenio polo que a Administración autonómica outorga un préstamo sen xuros ao Concello para financiar estes traballos, a través do Fondo de Cooperación do Instituto Galego da Vivenda e Solo (IGVS).
A actuación prevista prevé a rehabilitación do inmoble para garantir o illamento térmico e eficiencia enerxética, ademais da accesibilidade, así como a ampliación do edificio para pechar a zona do soportal. Tamén facilitará a reordenación dos espazos interiores destinados a aulas de música, onde acoden actualmente máis de medio cento de alumnos.
A conselleira, acompañada polo delegado territorial da Xunta en Pontevedra, Agustín Reguera, puxo en valor a colaboración co Concello de Portas e a aposta municipal pola cultura con esta actuación, “que supón apostar polas Escolas de Música, que son auténticas dinamizadoras culturais nas vilas e pobos”.
Os traballos financiaranse a través do Fondo de Cooperación, creado no 2016, e co que a Xunta ofrece apoio aos concellos de menos de 50.000 habitantes para o financiamento de actuacións de rehabilitación e conservación do patrimonio construído. O prazo da convocatoria deste 2024 está aberto ata o próximo 31 de outubro.
Dende a posta en marcha do Fondo, a Xunta leva concedidos préstamos por importe de máis de 24M€ para impulsar 102 actuacións nun total de 68 concellos para a rehabilitación e adquisición de diversas construcións.
