Aberta a oferta pública de emprego para poñer en marcha o proceso de selección de persoal formador, directivo e de apoio e alumnado do obradoiro dual de emprego “ULLA-UMIA: MORAÑA- PORTAS VALGA”. O sistema de admisión de candidatos/as será o de convocatoria pública tramita­da a través da súa publicación na sede electrónica de Concellos de Maraña, Por­tas e Valga.

As Bases da Convocatoria publicaranse na sede electrónica de Concellos de Ma­raña, Portas e Valga.
As persoas aspirantes deberán presentar o modelo de solicitude (ANEXO 1) e a documentación acreditativa dos seus méritos. O prazo de presentación de ins­tancias será de tres días hábiles a contar dende o día seguinte á súa publica­ción das Bases de convocatoria na sede electrónica dos tres Concellos.

O lugar de presentación será a través da Sede Electrónica de Concello de Valga ou no rexistro físico de Concello de Valga situado na rúa Avenida de A Coruña, nº 14 . Valga (Pontevedra) ou calquera outro medio dos recollidos no artigo 16.4 da Ley 39/2015, de 1 outubro, de procedemento administrativo común das administracións publicas.

ANUNCIO: OFERTA PÚBLICA DE EMPREGO:

BASES DO PROCESO DE SELECCIÓN DO PERSOAL FORMADOR, DIRECTIVO E DE APOIO:

BASES PROCESO SELECCIÓN DO ALUMNADO-TRABALLADOR PARTICIPANTE NO OBRADOIRO:

 Convocatoria de alumnado de Obradoiro ULLAUMIA MORAÑA, PORTAS VALGA , a entrevista que se realizará o dia 8 de NOVEMBRO, a partir das 9:00h no AUDITORIO MUNICIPAL DE VALGA:

Lista provisional de admitidos e excluidos para a contratación na modalidade de contrato formativo dun/ha Técnico/a superior en Administración e Finanzas – Proxecto +EMPREGA NOS CONCELLOS:

 ACTA DE VALORACIÓN DE MÉRITOS DOS CANDIDATOS PRESENTADOS E PROPOSTA DE CANDIDATO:

 PUNTUACIÓN DE ENTREVISTA:

PUNTUACIÓN ENTREVISTA ALUMNADO:

 Resoltas alegacions presentadas: PUNTUACIÓN TOTAL ALUMNADO:

 PUNTUACIÓN FINAL DE MERITOS . Resoltas as alegacións presentadas a valoración de méritos:

RELACION DEFINITIVA ALUMNADO:

LISTAXE DEFINITIVO PERSOAL:

O Concello de Portas, xunto cos de Cuntis, Caldas de Reis, Barro, A Estrada e Moraña, van a poñer en marcha un novo Programa Integrado de Emprego. Este programa esta cofinanciado pola Xunta de Galicia e o Servizo Publico de Emprego Estatal 

Nos proxectos precedentes conseguiuse un alto porcentaxe de colocación das persoas participantes no programa. As persoas que poden participar son aquelas que sexan demandantes de emprego e que están empadroadas nalgún dos seis concellos mencionados e que pertenzan aos colectivos aos que vai orientado o programa. 

MÁIS INFORMACIÓN:

O alcalde do Concello de Portas, Ricardo Martínez, promulgou un bando no que se informa de que o Concello de Portas é beneficiario do Programa +Emprego nos concellos da Deputación de Pontevedra e que ten por finalidade financiar contratos formativos.

No caso do Concello de Portas vaise contratar un TÉCNICO/A SUPERIOR EN ADMINISTRACIÓN E FINANZAS a través da correspondente oferta no Servizo Público de Emprego. O código CNO no que se debe estar inscrito é o 36131039.

O día martes 22 outubro de 16-20horas, AFASAL (Asociación de Familiares de Enfermos de Alzheimer e outras demencias do Salnés) vai impartir na Casa da Cultura do Concello de Portas unha sesión informativa sobre Alzheimer e outras demencias, dirixida principalmente a coidadores/as de persoas cunha demencia neurodexenerativa, pero tamén a persoas diagnosticadas en fase moi temperá así como a calquera persoa interesada na temática.

As demencias teñen unha alta prevalencia (estímase que afectan ao 31,25% das persoas que superan os 85 anos), especialmente en Galicia, cunha poboación altamente envellecida. Ademais, o contexto rural experimenta un fenómeno de sobre envellecemento ao que se lle engade unha escaseza de servizos e ausencia de intervencións. Esta realidade non só afecta á persoa que padece a enfermidade, senón tamén a todo o núcleo familiar.

Por este motivo ponse a disposición das persoas afectadas esta formación gratuíta, que será impartida por unha psicóloga e unha traballadora social especializadas na temática. O obxectivo é formar, orientar e axudar a persoas que se atopen nesta situación, achegando coñecementos e recursos para poder afrontar mellor a enfermidade e mellorar  a calidade de vida da persoa con demencia e da súa familia. 

O presidente da Deputación de Pontevedra, Luis López, e o alcalde de Portas, Ricardo Martínez, inauguraron este sábado 5 de outubro, o novo campo de fútbol de céspede artificial de Portas, que contou cun investimento de case 280.000 euros por parte deste organismo.

A obra consistiu na construción dun campo de fútbol de céspede artificial nunha parcela na que se atopaba un vello campo de fútbol de terra en desuso. Para executar o proxecto, foi necesario preparar e nivelar o terreo antes de proceder a instalación do céspede artificial e dos sistemas de rego e drenaxe correspondentes. A actuación completouse coa dotación de tres xogos de porterías, un de fútbol 11 e dous de fútbol 7; dous bancos para xogadores cubertos e redes de nylon detrás das porterías. O orzamento ascendeu a un total de 286.558 euros, dos que a Deputación achegou 277.647 euros con cargo ao Plan Concellos 2022-2023.

O alcalde de Portas, Ricardo Martínez, acaba de facer público un bando no que se informa á veciñanza de que a partir do vindeiro luns 16 de setembro de 2024, vaise proceder á instalación de estacas nas parcelas que se van ver afectadas polo ensanche e acondicionamento da estrada provincial EP 8101 Portas-Romai, entre o punto quilométrico 0+000 e o 3+350, coa finalidade de mellorar a mobilidade peonil nesta estrada, coa creación dunha senda, incrementando así a seguridade viaria neste tramo.

Por elo, rógase que non se proceda a súa retirada, e poder comprobar así as zonas a ocupar.

Esta alcaldía, ten intención de contactar con cada un dos propietarios en vindeiras datas.

O que se fai público para xeral coñecemento da veciñanza.

O alcalde de Portas, Ricardo Martínez, acaba de facer público un bando no que se informa á veciñanza de que a partir do vindeiro luns 16 de setembro de 2024, en virtude do Convenio de colaboración subscrito entre a Xunta de Galicia, a FEGAMP e SEAGA en materia de prevención e defensa contra incendios forestais, para o establecemento dun sistema público de xestión da biomasa nas faixas secundarias vaise iniciar, por parte dos supervisores de Seaga, nas parroquias de Portas, Romai, Lantaño e Briallos, a xestión da biomasa nas faixas secundarias establecidas no Plan Municipal de Prevención e Defensa Contra Incendios Forestais do Concello.

Naqueles casos que xa foran notificados e non se procedera a súa limpeza, iniciarase o expediente sancionador correspondente.

A Deputación de Pontevedra avanza na redacción do proxecto de ensanche e acondicionamento da estrada provincial EP-8101 Portas-Romai entre o punto quilométrico 0+000 e  o 3+350. A deputada de Infraestruturas Públicas, Isabel Couselo, visitou co alcalde de Portas, Ricardo Martínez, a estrada provincial para analizar os terreos que son necesarios para levar a cabo a actuación e incorporar as demandas do goberno local ao proxecto que xa está a redactar o servizo provincial de Infraestruturas.

En liñas xerais, Couselo e Martínez realizaron un percorrido pola estrada provincial e estudaron as diferentes alternativas para avanzar na construción dunha vía máis segura para o tránsito peonil. Deste xeito, tal e como avanzaron, está previsto que o proxecto para a mellora da mobilidade peonil na EP-8101 Portas-Romai incorpore a creación dunha senda peonil.

O proxecto de mellora da mobilidade peonil na EP-8101 Portas-Romai, tal e como recordou a deputada Isabel Couselo, trátase dunha das principais demandas e prioridades trasladadas polo alcalde de Portas en canto ás estradas provinciais que atravesan a vila.

A Excma. Deputación Provincial de Pontevedra vén de conceder ao Concello de Portas unha subvención por importe de 5.719,13€, para financias o proxecto “CAMIÑANDO XUNT@S 2024”, que se desenvolve entre o 1 de xullo ata o 31 de agosto con actividades dirixidas aos rapaces e rapazas ente 3 e 14 anos e que favorecen, entre outras, a conciliación laboral e familiar ao tempo que os participantes reciben dun xeito lúdico información para eliminar comportamentos sexistas. Ademais coñecen iniciativas para favorecer a igualdade.

Acábanse de publicas as bases que rexirán os procesos de selección do persoal directivo, docente e de apoio do Obradoiro de Emprego “Xóvenes Moraña, Portas, Valga” así como dos alumnos-traballadores participantes no debandito obradoiro.

No caso do persoal directivo, docente e de apoio contempla as prazas de Dirección, experto/a docente en albanalería, expoerto/a docente en Forestal e Administrativo. Tamén se convocan 8 prazas de alumnos-traballadores para a especialidade de Forestal (AGAR0309, AGAR0208 nivel 1) e Albanelería (EOCB0209/E0CB0208, EOCB0108 nivel 1).

BASES DO PROCESO DE SELECCIÓN DO PERSOAL DIRECTIVO, DOCENTE E DE APOIO DO OBRADOIRO DE EMPREGO “XÓVENES MORAÑA, PORTAS, VALGA”:

BASES DO PROCESO SELECCIÓN DOS ALUMNOS-TRABALLADORES PARTICIPANTES NO OBRADOIRO DE EMPREGO “XOVENES MORAÑA, PORTAS, VALGA”:

 CONVOCATORIA DE ENTREVISTAS DE ALUMNADO-TRABALLADORES:

 CONVOCATORIA DE ENTREVISTAS DO PERSOAL DE DIRECCION, EXPERTOS DOCENTES E ADMINISTRATIVO:

 ANUNCIO DE LISTAXE DEFINITIVO DO PROCESO DE SELECCION DO PERSOAL DIRECTIVO, EXPERTOS DOCENTES E ADMINISTRATIVO DO OBRADOIRO DE EMPREGO XOVENES MORAÑA-PORTAS-VALGA I:

 OBRADOIRO DE EMPREGO XÓVENES MORAÑA-PORTAS-VALGA I–SELECCION ALUMNADO-TRABALLADORES (LISTAXE DEFINITIVO):