A Aula da Uned de Pontevedra en Portas clausurou a quinta edición do campus “Inglés na miña contorna” celebrado durante 12 días neste concello. O acto de clausura contou coa presencia do alcalde de Portas, Ricardo Martínez, o director da Uned, Víctor M. González, o subdirector da Uned Pontevedra e concelleiro de Portas, Alfonso Vázquez e a concelleira Ana Maquieira.

Durante o acto, ao que asistiron os pais e familiares da trintena de nenos e nenos participantes, proxectouse un vídeo realizado durante o campus no que se recollen as actividades desenvolvidas polos cativos e tamén se deu conta do proxecto pedagóxico levado a cabo nesta edición do campus de inglés da Uned.

Ademais, durante a clausura fixose entrega de diplomas a cada un dos rapaces participantes, así como distintos agasallos conmemorativos do seu paso por este campus organizado na Aula da Uned en Portas.

Tanto os representantes da Uned como o alcalde agradeceron ás familias a confianza depositada na organización deste campus que se consolida como unha cita lúdico-educativa do verán en Portas e que é referencia non so para a comarca senón para toda a provincia. Tamén agradeceron a profesionalidade dos monitores que levaron a cabo o peso das actividades e a colaboración do Concello, do CPI Domingo Fontán e o CD Portas por ceder as súas instalacións.

Tamén destacaron o bo comportamento de todos e cada un dos participantes no campamento que foron quen de combinar harmónicamente a parte de apredizaxe lingüística co desenrolo de actividades lúdicas e de entretemento así como o traballo en equipo como elemento de socialización e de formación da súa personalidade.

Por último, o alcalde Ricardo Martínez agradeceu a Uned que elixira a Portas para realizar este campus e sinalou a inequívoca vocación de colaboración do Concello con esta iniciativa formativa polo que supón de “investimento no futuro dos nosos xóvenes que poderán contar, deste xeito, con ferramentas axeitadas, como a aprendizaxe do inglés, para enfrontarse aos retos que están por chegar e dos que serán os auténticos protagonistas”, indicou o rexidor.

O Concello de Portas acaba de recibir unha importante remesa de contedores de recollida selectiva de lixo, tanto verdes como amarelos, que irán destinados a reforzar o sistema de retirada e posterior tratamento para os residuos sólidos urbanos que se producen en todo o municipio.

Esta última adquisición feita polo Concello de Portas supón un investimento duns 12.000 euros e permitirá incorporar 72 novos contedores de lixo ao servizo público de recollida. Este acopio de material permitirá substituir os contedores que presentan graves desperfectos ocasionados polo uso continuados do servizo, pero tamén aqueles que son vítimas do vandalismo e a falla de concienciación cidadá e que provoda o seu deterioro.

Tamén se aproveitará esta remesa de 72 novos contedores para reforzar a presenza da recollida selectiva de residuos sólidos urbanos en todo o municipio, pero especialmente naquelas zonas onde en épocas estivais se detecta unha maior presenza e tamén actividades xerando maior capacidade de produción de lixo ao que hai que darlle un tratamento e unha saída axeitadas.

REDUCIR, SEPARAR E RECICLAR

O alcalde de Portas, Ricardo Martínez, lembra á veciñanza da importancia que ten a colaboración cidadá na recollida, separación e aposta pola reciclaxe para mellorar este servizo. Martínez sinalou que “aínda que hai unha importante concienciación social sobre a necesidade de reducir os nosos resíduos, tamén é certo que estamos notando que a xente cada vez é máis consciente da obrigación de separar o lixo e favorecer os procesos de tratamento e reciclaxe”.

O alcalde recordou a importancia de separar ben os residuos porque “ademais de ser unha obriga que temos como consumidores e cidadáns é un beneficio para todos xa que canto máis separemos menos se desbota e podemos impulsar unha economía circular e tamén un reaproveitamento ecolóxico dos nosos residuos cun aforro importante tamén para o mantemento do propio servizo”.

Ricardo Martínez anunciou que nos vindeiros días emprenderase un proceso de reforzo do servizo de recollida con estes novos contedores, unha vez sexan rotulados para identificar a propiedade do Concello de Portas. “Intentaremos facelos rendir o máximo posible e chegar con estes novos contedores ata onde se poida porque aínda que ás veces non lle deamos importancia e pensemos que estas cousas non custan cartos, o certo é que si polo que temos que ser conscientes da necesidade de que coidemos do noso, do de todos”, indicou o alcalde.

Os nenos e nenas que participan na presente edición do programa de Actividades de Verán do Concello de Portas realizaron unha excursión pola Illa de Cortegada e visitaron o bosque de loureiros máis grande de Europa, a capela así como coñeceron a súa historia. Cortegada pertence ao Parque Natural das Illas Atlánticas e está enclavada na Ruta Xacobeo do Mar de Arousa.

Os cativos realizaron distintos roteiros lúdico-didácticos en grupos reducidos pola illa coñecendo ese gran parque natural e a súa historia moi ligada á Guerra da Independencia de España fronte á invasión napoleónica e tamén coa Casa Real, de feito a Illa de Cortegada pertenceu a Alfonso XIII e mesmo ao pai do Rei Xoán Carlos I, don Juan, o Conde de Barcelona. Hoxe pertence a tódolos galegos xa que foi recuperada para dominio público pola Xunta de Galicia.

Seguen as actividades e a diversión en Portas, sempre cumprindo con tódalas medidas de prevención sanitarias.

A Aula Universitaria da Uned en Portas acolle o “V Campus Inglés na Contorna” que se desenrolará ata o 23 de xullo e no que participará unha trintena de alumnos e alumnas que recibirán de xeito intensivo unha inmersión lingüística harmonizada con actividades lúdicas.

Estes mozos e mozas aprenderán a dominar técnicas de comprensión e comunicación en inglés de tal xeito de que se perda o medo para falar nun idioma extranxeiro. O alumno gañará en confianza para desenvolverse dunha maneira natural e descubriá dun xeito lúdico e divertido a súa contorna máis próxima, utilizando o inglés como ferramenta de comunica­ción durante toda a actividade.

Outro dos obxectivos deste campus intensivo será ampliar as relacións sociais e humanas, coñecer as bases de traballo en equipo e a responsabilidade individual nas tarefas comúns nun ambiente enriquecedor.

Tamén se pretende facilitar, a través das distintas actividades deportivas e culturais, un amplo caudal de posibilidades enriquecedoras para a súa personalidade, gozar de novas formas e boa utilización do tempo de lecer a través da práctica de actividades físicas saudables e a utilización de xeito habitual das tecnoloxías da información e da comunicación.

O alcalde, Ricardo Martínez, amosou a súa satisfación porque o concello de Portas volva acoller este tipo de campus formativo e lúdico e puso de relevo a importancia que o coñecemento doutras culturas e idiomas ten para o desenvolvemento futuro das novas xeracións.

A aula da Uned en Portas acolleu o acto oficial de inicio do curso “As crises políticas na España contemporánea” que levará a cabo esta institución universitaria ata o 16 de xullo. A xornada inaugural contou coa presenza do vicerreitor da Uned, Jesús Andrés Sanz, o director da Uned en Pontevedra, Víctor M. González, o catedrático de Socioloxía da Uned, Juan Jesús González Rodríguez, e o alcalde de Portas, Ricardo Martínez.

Este curso presencial e online, está dirixido polo catedrático Juan Jesús González Rodríguez e coordinado polo profesor de Historia das Ideas Políticas Javier Varela Tortajada, e analizará as crises políticas na España contemporánea desde a derrota militar e a crise de Estado do ano 1898 ata o proceso catalán e a pandemia e as súas consecuencias.

MÉRCORES 14 DE XULLO

O programa da xornada do mércores está marcado polas seguintes ponencias:

De 12 a 14 horas: 1898: Derrota militar e crise de Estado, a cargo de Javier Varela Tortajada, profesor de Historia das Ideas Políticas (Uned).

De 17 a 19 horas: 1917-1923: A fin da Restauración, a cargo de Javier Moreno Luzón, catedrático da Universidade Complutense de Madrid.

De 19 a 21 horas: 1931-1936: A quebra da democracia, a cargo de Pilar Mera Costas, profesora axudante Doctora (Uned).

XOVES 15 DE XULLO

O programa da xornada do xoves 15 de xullo está marcado polas seguintes ponencias:

De 10 a 12 horas: 1975-1982: Da dictadura á democracia, a cargo de Jesús de Andrés Sanz, profesor de Ciencia Política (Uned).

De 12 a 14 horas: 2008-2019: A Gran Recesión e as súas consecuencias, a cargo de Juan Jesús González Rodríguez, catedrático de Socioloxía (Uned).

De 17 a 19 horas: 1975-2011: A crise vasca, a cargo de Virginia López de Maturana, profesora adxunta da Universidade do País Vasco.

De 19 a 21 horas: 2021-2021: O proceso catalán, a cargo de David Martínez Fiol,  profesor asociados da Universitat Autónoma de Barcelona.

VENRES 16 DE XULLO

O programa da xornada do vernes 16 de xullo está marcado polas seguintes ponencias:

De 9 a 11 horas: A pandemia e as súas consecuencias, a cargo de José Antonio Olmeda Gómez, catedrático de Universidade (Uned).

De 11 a 13 horas: As crises políticas na España contemporánea. Mesa Redonda coa participación de Javier Varela Tortajada, Pilar Mera Costas, José Antonio Olmeda Gómez, David Martínez Fiol e Juan Jesús González Rodríguez.

A aula da Uned en Portas acolleu o acto oficial de inicio do curso “As crises políticas na España contemporánea” que levará a cabo esta institución universitaria ata o 16 de xullo. A xornada inaugural contou coa presenza do vicerreitor da Uned, Jesús Andrés Sanz, o director da Uned en Pontevedra, Víctor M. González, o catedrático de Socioloxía da Uned, Juan Jesús González Rodríguez, e o alcalde de Portas, Ricardo Martínez.

Este curso presencial e online, está dirixido polo catedrático Juan Jesús González Rodríguez e coordinado polo profesor de Historia das Ideas Políticas Javier Varela Tortajada, e analizará as crises políticas na España contemporánea desde a derrota militar e a crise de Estado do ano 1898 ata o proceso catalán e a pandemia e as súas consecuencias.

MÉRCORES 14 DE XULLO

O programa da xornada do mércores está marcado polas seguintes ponencias:

De 12 a 14 horas: 1898: Derrota militar e crise de Estado, a cargo de Javier Varela Tortajada, profesor de Historia das Ideas Políticas (Uned).

De 17 a 19 horas: 1917-1923: A fin da Restauración, a cargo de Javier Moreno Luzón, catedrático da Universidade Complutense de Madrid.

De 19 a 21 horas: 1931-1936: A quebra da democracia, a cargo de Pilar Mera Costas, profesora axudante Doctora (Uned).

XOVES 15 DE XULLO

O programa da xornada do xoves 15 de xullo está marcado polas seguintes ponencias:

De 10 a 12 horas: 1975-1982: Da dictadura á democracia, a cargo de Jesús de Andrés Sanz, profesor de Ciencia Política (Uned).

De 12 a 14 horas: 2008-2019: A Gran Recesión e as súas consecuencias, a cargo de Juan Jesús González Rodríguez, catedrático de Socioloxía (Uned).

De 17 a 19 horas: 1975-2011: A crise vasca, a cargo de Virginia López de Maturana, profesora adxunta da Universidade do País Vasco.

De 19 a 21 horas: 2021-2021: O proceso catalán, a cargo de David Martínez Fiol,  profesor asociados da Universitat Autónoma de Barcelona.

VENRES 16 DE XULLO

O programa da xornada do vernes 16 de xullo está marcado polas seguintes ponencias:

De 9 a 11 horas: A pandemia e as súas consecuencias, a cargo de José Antonio Olmeda Gómez, catedrático de Universidade (Uned).

De 11 a 13 horas: As crises políticas na España contemporánea. Mesa Redonda coa participación de Javier Varela Tortajada, Pilar Mera Costas, José Antonio Olmeda Gómez, David Martínez Fiol e Juan Jesús González Rodríguez.

O alcalde de Portas, Ricardo Martínez, inspeccionou o inicio das obras de mellora de camiños en Cachal (Lantaño) incluídas dentro do Plan Marco, impulsado pola Axencia Galega de Desenvolvemento Rural (Agader), e que contempla a construción dun muro de perpiaño que permitirá a contención do terreo unha vez ampliado o acceso a diversas fincas produtivas da veciñanza.

Estas obras de mellora saíron a contratación por un prezo de licitación duns 51.551,98 euros e foron adxudicadas á empresa Covsa por un importe total duns 37.565,9 euros e un prazo máximo de execución de 3 meses. Foi a oferta máis acaída ao pliego de condicións das 11 empresas que se presentaron en aberto ao concurso para realizar estes traballos.

Os traballos que están agora acometendo os operarios de Covsa nos camiños de Cachal, na parroquia de Lantaño, enmárcanse dentro do obxectivo xenérico de mellorar as infraestruturas rurais porque xeran cohesión social e territorial, melloran as condicións de vida e traballo no medio rural. Así, estas obras van dirixidas a facilitar a accesibilidade e vertebrar interiormente o territorio e, por outra banda, contribúen ao aumento da competitividade agraria e forestal, xa que facilitan o tránsito de maquinaria ás explotacións agrarias, o que redunda nunha maior axilidade das operacións agrícolas.

O alcalde, Ricardo Martínez, comprobou no inicio das obras, a ampliación da plataforma para uso de vehículos e tamén deu instrucións oportunas aos operarios para facilitar o acceso ás fincas colindantes cos viais mellorados co fin de que os usuarios poidan seguir utilizándoas coa máxima seguridade e operatividade.

O pasado 1 de xullo, empezaron as Actividades de Verán​ no Concello de Portas. Durante todo o mes os nenos e nenas participantes , disfrutarán de diversas actividades, relacionadas con distintas temáticas: “O noso pequeño mundo”, “Cabanas”, “Arte: Teatro e música”…​

Durante estes días realizaron diversas actividades no CPI Domingo Fontán, acuáticas na Praia fluvial, iniciación á equitación, talleres de ciencia e muller…

Durante a mañá de hoxe, os nenos e nenas descubriron o mundo da ciencia con divertidos experimentos realizados pola Química Antía Piñeiro.O programa está cofinanciado pola Deputación de Pontevedra.

A pesar de ser un verán atípico, e cumprindo con todas as medidas de prevención sanitaria, Esperamos que sexa un verán cheo de diversión e aprendizaxes!!!

O vindeiro venres 16 de xullo ás 22:30h teremos sesión cine en Portas coa película “PUÑALES POR LA ESPALDA”. A sesión está financiada polo Concello de Portas e subvencionada dentro do Proxecto de Prevención de Condutas Adictivas na que participa o Concello de Portas xunto cos concellos de Cuntis, Barro, Campo Lameiro e Moraña.

A sesión de cine é GRATUITA e terá lugar no recinto da Azucreira, sendo imprescindible, para poder asistir, recoller antes a entrada no Concello de Portas (Aforo LIMITADO).

Os nenos e nenas do concello de Portas serán os protagonistas do programa “Ler conta moito” deste verán, patrocinado pola Xunta de Galicia. Estas serán as actividades que se levarán a cabo no municipio de Portas nos meses de xullo e agosto:

“NOVOS LOBOS”-Fantoches Baj- Monicreques-Venres 16 de xullo ás 11:00 no recinto do CPI Domingo Fontán.

“BIBLIODISCOTECA”- Venres 30 de agosto ás 11:00h na Azucreira de Portas.As actividades son GRATUÍTAS, pero debido á limitación de aforo deberase recoller entrada no Concello ou facer reserva no 986 53 69 25 – 986 53 61 61 ext. 5